Saturday, August 29, 2020

សេចក្ដីជូនដំណឹង! ថៃ ផ្អាកការអនុញ្ញាតឲ្យប្រជាពលរដ្ឋខ្មែរចេញចូលដឹកទំនិញ ក្នុងផ្សាររោងក្លឿ ចាប់ពីថ្ងៃទី០៤ ដល់ថ្ងៃទី០៧ ខែកញ្ញា

(បន្ទាយមានជ័យ)៖ អាជ្ញាធរថៃ បានផ្អាកការអនុញ្ញាតឲ្យប្រជាពលរដ្ឋខ្មែរចេញចូលដឹកជញ្ជូនទំនិញ ក្នុងផ្សាររោងក្លឿ ស្រុកអារញ្ញប្រាថេត ខេត្តស្រះកែវ ចាប់ពីថ្ងៃទី០៤ ដល់ថ្ងៃទី០៧ ខែកញ្ញា ឆ្នាំ២០២០ ក្នុងអំឡុងថ្ងៃឈប់សាធារណៈរបស់ប្រទេសថៃ។ នេះបើតាមសេចក្ដីជូនដំណឹងរបស់ រដ្ឋបាលក្រុងប៉ោយប៉ែត ដែលបណ្ដាញព័ត៌មាន Fresh News ទទួលបាននៅព្រឹកថ្ងៃទី២៩ ខែសីហា ឆ្នាំ២០២០។ សូមជម្រាបថា កម្ពុជា-ថៃ បានឯកភាពគ្នាដើម្បីអនុញ្ញាតឲ្យអាជីវករខ្មែរ អាចចេញចូលដឹកជញ្ជូនទំនិញ នៅក្នុងផ្សាររោងក្លឿ ចាប់តាំងពីថ្ងៃទី១៥ ខែកក្កដា ឆ្នាំ២០២០មក ក្រោយផ្អាកមួយរយៈដោយសារជំងឺកូវីដ១៩។ ការចេញចូលដឹកជញ្ជូនទំនិញនេះ ត្រូវឆ្លងកាត់ប៉ុស្ដិ៍ត្រួតពិនិត្យសុខភាពយ៉ាងម៉ឹងម៉ាត់ផងដែរ ដើម្បីការពារការចម្លងជំងឺមួយនេះ៕
Load disqus comments

0 comments

វីរុសបំប្លែងថ្មី Omicron បង្ករលកឆ្លងកូវីដ-១៩ លើកទី៤ ក្នុងប្រទេសអាហ្វ្រិកខាងត្បូង (Video inside)

(អាហ្វ្រិកខាងត្បូង)៖ រដ្ឋមន្ត្រីសុខាភិបាលអាហ្រ្វិកខាងត្បូង លោក Joe Phaahla បាននិយាយនៅថ្ងៃសុក្រ ទី០៣ ខែធ្នូ ឆ្នាំ២០២១នេះ ប្រទេសរបស់លោកកំពុងរង...