របបទទួលទានមានអំបិលតិចគួប ផ្សំនឹងការបង្កើនបន្លែផ្លែឈើអាចជួយអ្នកជំងឺលើសឈាមបន្ថយ សម្ពាធឈាម យ៉ាងមានប្រសិទ្ធភាពជាងលេបថ្នាំទៅទៀត ។
របបទទួលទាននេះអាចបង្ហាញ លទ្ធផលតែក្រោយអនុវត្តន៍៤សប្តាហ៍ ។ អាស្រ័យដោយមិនប្រើថ្នាំ អ្នកជំងឺលើស ឈាមក៏អាចបញ្ចៀសបានឥទ្ធិពល បន្ទាប់បន្សំរបស់ថ្នាំដូចជាអស់កម្លាំង វិលមុខឈឺក្បាល ។
ក្រុមអ្នកស្រាវជ្រាវបានវិភាគទិន្នន័យសុខភាពរបស់មនុស្ស៤១២នាក់ ក្នុងដំណាក់កាលដំបូងនៃជំងឺលើស ឈាម ។ ពួកគេសុទ្ធតែមិនប្រើថ្នាំ ដើម្បី គ្រប់គ្រងជំងឺ
អ្នកចូលរួមស្រាវជ្រាវមួយចំនួន ត្រូវបានឱ្យបរិភោគអំបិលយ៉ាងតិច បន្លែ ផ្លែឈើច្រើន និងអាហារធ្វើពី ទឹកដោះគោ មានជាតិខ្លាញ់តិច ។
លទ្ធផលបង្ហាញថា អ្នកមាន សម្ពាធឈាមខ្ពស់បំផុតអាចបន្ថយបាន ជាមធ្យម 21 mmHg ក្រោយបួនសប្តាហ៍ នៃការអនុវត្តរបបអាហារនេះ ។
បណ្ឌិតឡូរ៉េន អាប៉ែល (Lawrence Appel) ប្រធានក្រុមអ្នកស្រាវជ្រាវបាន ឱ្យដឹងការ “ផ្លាស់ប្តូររបប ទទួលទាន និងតមអំបិលអាចនាំមកនូវប្រសិទ្ធភាព បន្ថយសម្ពាធឈាមមិនចាញ់ការលេប ថ្នាំ ។ នោះជាសារសំខាន់មួយជួយអ្នក ជំងឺលើសឈាមយល់ថា ពួកគេអាច សម្រេចបានផលប្រយោជន៍ច្រើន ប្រសិន អនុវត្តន៍របបទទួលទានត្រឹមត្រូវ” ៕
0 comments