ព្រះសង្ឃ និង​ប្រជាពលរដ្ឋ​​​ខេត្ត​កំពង់​ឆ្នាំង​ និមន្ត និង​ទៅទទួល​សេវាពិនិត្យ និង​ព្យាបាល​ជម្ងឺដោយ​ឥតថ្លៃ​ពីក្រុមគ្រូពេទ្យ​ស្ម័គ្រ​ចិត្ត​ នៃសាធារណរដ្ឋ​កូរ៉េ​

កំពងឆ្នាំង៖ កង​កម្លាំង ប្រជាការពារ​ មន្ត្រីរាជការ​ ព្រះសង្ឃ និង​ប្រជាពលរដ្ឋ​ប្រមាណ​១១០០នាក់​និមន្ត និង​ទៅទទួល​សេវាពិនិត្យ និង​ព្យាបាល​ជម្ងឺដោយ​ឥតថ្លៃ​ពីក្រុមគ្រូពេទ្យ​ស្ម័គ្រ​ចិត្ត​ទីក្រុង​អ៊ូសាន នៃសាធារណរដ្ឋ​កូរ៉េ​ នៅមណ្ឌល​សុខភាព​ពង្រ ស្ថិត​នៅក្នុង​ឃុំពង្រ ស្រុក​រលាប្អៀរ ខេត្តកំពង់ឆ្នាំង​រយ:ពេល​ពីរថ្ងៃគឺនៅថ្ងៃទី២២ និង​ថ្ងៃទី២៣ ខែវិច្ឆិកា ឆ្នាំ២០១៩។ នៅក្នុងទិដ្ឋភាព​នោះ ក៏មាន​ការ​សហការ​សម្រប​សម្រួល​ពីក្រុម​ការងារ​ខេត្ត ការងារ​ស្រុក មន្ទីរពេទ្យ​បង្អែក​ខេត្ត អាជ្ញាធរ​ខេត្ត​ ស្រុក ប្រជាការពារ មណ្ឌល​សុខភាពពង្រ និង​សហភាព​សហព័ន្ធ​ឃុំពង្រ​ផង​ដែរ។​ គូស​បញ្ជាក់ថា ប្រភេទជម្ងឺ​ដែលបាន​ពិនិត្យ និង​ព្យាបាលនោះរួមមាន៖ ជម្ងឺភ្នែក វះកាត់ដំុំគីស ឬដុំពក​ ជម្ងឺសន្លាក់ ធ្មេញ ជម្ងឺទូទៅ និង​ជម្ងឺសរសៃប្រសាទ។​ ក្រុមគ្រូពេទ្យ​ស្ម័គ្រចិត្ត​ ក៏បាន​ឧបត្ថម្ភកុំព្យូទ័រ​យួរ​ដៃ​ពីរគ្រឿង​ និងសម្ភារ:បរិក្ខាពេទ្យ​មួ​យចំនួន​ជូន​ដល់​មណ្ឌលសុខភាព​ពង្រ​ និង​វត្ថុអនុស្សាវរីយ៍​ផ្សេងៗទៀត​៕