វេទិកាធុរកិច្ចកម្ពុជា-នេប៉ាល់ នឹងជំរុញឱ្យមានកិច្ចសហ ប្រតិបត្តិការលើផ្នែកធុរកិច្ចរវាងកម្ពុជា និងនេប៉ាល់កាន់ តែភាពប្រសើរឡើងថែមទៀត

លោកនាយករដ្ឋមន្ត្រី ហ៊ុន សែន និងលោក សាម៉ា អូលី នាយករដ្ឋមន្ត្រីនេប៉ាល់ នៅរសៀលថ្ងៃទី១៤ ខែឧសភា ឆ្នាំ២០១៩នេះ នឹងអញ្ជើញជាអធិបតីរួមគ្នាបើកវេទិកាធុរកិច្ចកម្ពុជា-នេប៉ាល់ ដែលរៀបចំឡើងនៅសណ្ឋាគារសុខាភ្នំពេញ។ វេទិកានេះ នឹងមានការអញ្ជើញចូលរួមពីសំណាក់ធុរកិច្ចជនកម្ពុជា និងនេប៉ាល់ជាច្រើនរូប។ វេទិកានេះរៀបចំឡើងក្នុងបំណងជំរុញឱ្យមានកិច្ចសហ ប្រតិបត្តិការលើផ្នែកធុរកិច្ចរវាងកម្ពុជា និងនេប៉ាល់កាន់ តែភាពប្រសើរឡើងថែមទៀត ខណៈបច្ចុប្បន្នការធ្វើពាណិជ្ជកម្មរវាងប្រទេសទាំងពីរមានកម្រិតតិចតួចបំផុត។ លោកនាយករដ្ឋមន្ត្រី ហ៊ុន សែន និងលោក សាម៉ា អូលី នឹងថ្លែងសុន្ទរថាគន្លឹះពាក់ព័ន្ធការធ្វើពាណិជ្ជកម្ម និងវិនិយោគ ក៏ដូចជាបង្ហាញពីសក្តានុពលនៃការធ្វើពាណិ ជ្ជកម្ម និងវិនិយោគរវាងប្រទេសទាំងពីរជូនដល់ធុរកិច្ចជនកម្ពុជា និងនេប៉ាល់។ នៅក្នុងជំនួបពិភាក្សាការងាររវាងលោកនាយករដ្ឋមន្ត្រី ហ៊ុន សែន និងលោក សាម៉ា អូលី នៅថ្ងៃទី១៣ ខែ ឧសភា ឆ្នាំ២០១៩ លោកនាយករដ្ឋមន្ត្រី ហ៊ុន សែន ក៏បានជំរុញឱ្យមានការសិក្សាបន្ថែមទៀត ដើម្បីជំរុញទំហំពាណិជ្ជកម្មរវាងប្រទេសទាំងពីរ ខណៈបច្ចុប្បន្នប្រទេសទាំងពីរនៅមានសក្តានុពលពាណិជ្ជកម្មជាច្រើនទៀតផងដែរ៕