រដ្ឋមន្ត្រីការបរទេសកម្ពុជា​ប្រាប់​ទៅ​រដ្ឋមន្ត្រីការបរទេស​ជាច្រើន​អំពី​ការបោះឆ្នោត​នៅ​កម្ពុជា​

Credited: រស្មីកម្ពុជា: ភ្នំពេញៈ​លោក​ទេសរដ្ឋមន្ត្រី ប្រាក់ សុខុន រដ្ឋមន្ត្រី​ក្រសួងការបរទេសនិង​សហប្រតិបត្តិការ​អន្តរ​ជាតិ បាន​ថ្លែងថា នៅក្នុង​ជំនួប​ជាមួយ​រដ្ឋមន្ត្រីការបរទេស​អាស៊ាន​មួយចំនួន និង​រដ្ឋមន្ត្រី​ក្រសួងការបរទេស​អូស្ត្រាលី ជប៉ុន កូរ៉េខាងជើង កូរ៉េខាងត្បូង រុស្ស៊ី ឥណ្ឌូនេស៊ី​លោក​បាន​ជម្រាប​ទៅ​រដ្ឋមន្ត្រី​នៃ​ប្រទេស​ទាំងនេះ អំពី​ដំណើរការ​បោះឆ្នោត​នៅ​កម្ពុជា កាលពី​ថ្ងៃទី​២៩ ខែកក្កដា ឆ្នាំ​២០១៨ ថា​គឺមាន​របៀបរៀបរយ មាន​តម្លាភាព សេរី យុត្តិធម៌​ត្រឹមត្រូវ គ្មាន​អំពើហិង្សា គ្មាន​ការគំរាមកំហែង​។ បើ​ឆ្លុះបញ្ចាំង​ទៅ​និង​ការបោះឆ្នោត​នៅ​ប្រទេស​ផ្សេង គឺមាន​អំពើហិង្សា និង​មាន​មនុស្ស​ស្លាប់​។​ ​លោក​បញ្ជាក់ទៀតថា អត្រា​ប្រជាពលរដ្ឋ​ទៅ​បោះឆ្នោត​មា​ជាង ៨២​ភាគរយ ខណៈ​មាន​ការធ្វើ​យុទ្ធនាការ​ម្រាម​ដៃ​ស្អាត ដេក​ផ្ទះ​ឈ្នះ​ឯង មិន​ទៅ​បោះឆ្នោត​គឺ​ប្រជាពលរដ្ឋ​មិន​ស្តាប់​តាម​ការអំពាវនាវ​នេះ​។​ ​លោក​ទេសរដ្ឋមន្ត្រី​បាន​ជម្រាប​ទៅ​បណ្តា​រដ្ឋមន្ត្រីក្រសួង​ការ​ទេស​ទាំងនោះ​ថា​ប្រជាពលរដ្ឋ​ជាង​៨២​ភាគរយ​ពេញ​ចិត្ត​នៅ​ការប្រើ​សិទ្ធិ​របស់គេ ដោយ​គ្មាន​ការគំរាមកំហែង​។ ប្រជាពលរដ្ឋ​ទៅ​បោះឆ្នោត​ដើម្បី​ស្ថិរភាព និង​សន្តិភាព​​។​ ​ការ​ថ្លែង​របស់​រដ្ឋមន្ត្រីក្រសួង​ការបរទេស​កម្ពុជា​បានធ្វើ​ឡើង​ក្នុង​ពិធី​ប្រគល់​រង្វាន់​ដល់​និស្សិត​ជ័យលាភី​ថ្នាក់ជាតិ​នៃ​ការ​ប្រ​គួ​ត​ប្រជែង​ការយល់ដឹង​អំពី​អាស៊ាន​ឆ្នាំ​២០១៨ នៅ​ទីស្តីការក្រសួង​នៅ​ព្រឹក​ថ្ងៃទី ៧ ខែសីហា នេះ​៕​