ភ្នំពេញ: នៅម៉ោង៨:៣០យប់ថ្ងៃទី១២ ខែមេសា ឆ្នាំ២០១៨ កាំភ្លើងអាកា(AK)មួយដើម បានជ្រុះចេញពីលើខ្លួនបុរសម្នាក់ បន្ទាប់ពីបើកម៉ូតូទៅបុកនឹងម៉ូតូមួយគ្រឿងទៀត បណ្តាលឲ្យរងរបួសបាក់ភ្លៅ នៅតាមបណ្តោយផ្លូវ៥២៨កែងនិងផ្លូវ៣៣៧ ស្ថិតក្នុងសង្កាត់បឹងកក់ទី១ ខណ្ឌទួលគោក ។
ជនសង្ស័យឈ្មោះ ចាន់ វិបុល អាយុ២៥ឆ្នាំ មុខរបរជាងទឹកភ្លើងនៅក្រុមហ៊ុនម៉ុងរិទ្ធី ស្នាក់នៅផ្ទះលេខ១៣១ ផ្លូវលំ សង្កាត់ភ្នំពេញថ្មី ខណ្ឌសែនសុខ។
តាមប្រភពពីកន្លែងកើតហេតុបានឲ្យដឹងថា នៅមុនពេលកើតហេតុគេឃើញជនសង្ស័យខាងលើ ជិះម៉ូតូមួយគ្រឿងម៉ាកហុងដាគុបជ្រុង ពណ៌ខៀវ ពាក់ស្លាកលេខ ព្រៃវែង 1D 8881 ដោយធ្វើដំណើរតាមបណ្តោយផ្លូវ៣៣៧ ក្នុងទិសដៅពីកើតទៅលិច ក្នុងល្បឿនលឿន។ លុះមកដល់ចំណុចកើតហេតុ ដែលជាផ្លូវបំបែកក៏បុកជាមួយនឹងម៉ូតូមួយគ្រឿងទៀតម៉ាក ហុងដា សេ១២៥ ស៊េរី២០១៦ ពណ៌ខ្មៅ មិនចាំស្លាកលេខ ដែលបើកបរដោយបុរសម្នាក់ តាមបណ្តោយផ្លូវ៥២៨ ក្នុងទិសដៅពីជើងទៅត្បូង។ការបុកនេះ បណ្តាលឲ្យជនសង្ស័យរងរបួសបាក់ភ្លៅ។ទន្ទឹមនោះ ស្រាប់តែឃើញមានកាំភ្លើងអាកាមួយដើមមានសភាពច្រេះចាប់ និងមានគ្រាប់ពេញបង់ ជ្រុះជិតខ្លួនជនសង្ស័យ។ ចំណែកម៉ូតូហុងដាសេ១២៥មួយគ្រឿងទៀត បើករត់គេចខ្លួនបាត់ស្រមោល។
តាមចម្លើយសារភាពរបស់ជនសង្ស័យខាងលើបានឲ្យដឹងថា នៅមុនពេលកើតហេតុគាត់បានជិះម៉ូតូ ទើបតែចេញមកពីផឹកស៊ីនៅផ្ទះរបស់ខ្លួន ក្នុងបំណងជិះទៅផ្ទះរបស់ម្តាយនៅម្តុំទួលសង្កែ។ ហើយពេលដែលជិះមកដល់ក្បែរកន្លែងកើតហេតុ គេក៏ប្រទះឃើញកាំភ្លើងអាកាច្រេះស៊ីនៅតាមចិញ្ចើមផ្លូវ ទើបរូបគេរើសកាំភ្លើងនោះ យកមកដាក់នៅខាងមុខម៉ូតូ ហើយក៏បានជិះបន្តដំណើរទៅខាងមុខទៀត ដោយក្នុងលក្ខណៈភ័យស្លន់ស្លោរ ទើបបណ្តាលឲ្យគេជិះម៉ូតូទៅបុកជាមួយនិងម៉ូតូមួយគ្រឿងទៀតតែម្តងទៅ។
ក្រោយពេលកើតហេតុ សមត្ថកិច្ចមូលដ្ឋានបានចុះទៅដល់កន្លែងកើតហេតុ ហើយបានដឹកជនសង្ស័យយកទៅសង្គ្រោះនៅមន្ទីរពេទ្យព្រះកុសុមៈទាំងដៃជាប់ខ្នោះ ដោយឡែកកាំភ្លើង និងម៉ូតូរបស់ជនសង្ស័យ ត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលបឹងកក់ទី១ ដើម្បីរង់ចាំធ្វើការស្រាវជ្រាវនិងសួរនាំជនសង្ស័យបន្ថែម៕
ម៉ូតូពីរគ្រឿងបុកគ្នាជ្រុះចេញកាំភ្លើងអាកា, ចូលពេទ្យទាំងដៃជាប់ខ្នោះ
Voice Of Countryside
5.0
stars based on
35
reviews
ភ្នំពេញ: នៅម៉ោង៨:៣០យប់ថ្ងៃទី១២ ខែមេសា ឆ្នាំ២០១៨ កាំភ្លើងអាកា(AK)មួយដើម បានជ្រុះចេញពីលើខ្លួនបុរសម្នាក់ បន្ទាប់ពីបើកម៉ូត...
ក្រសួងសុខាភិបាល ចេញសេចក្តីសម្រេចកំណត់នីតិវិធីប្រតិបត្តិស្តង់ដា ធ្វើចត្តាឡីស័ករបស់អ្នកដំណើរមកពីបរទេស ដែលបានចាក់វ៉ាក់សាំងពេញលេញ (Video inside)(ភ្នំពេញ)៖ ក្រសួងសុខាភិបាល បានចេញសេចក្តីសម្រេចស្តីពីនីតិវិធីប្រតិបត្តិស្តង់ដា ស្តីពីការធ្វើចត្តាឡីស័ករបស់អ្នកដំណើរមកពីបរទេស ដែលបានចាក់ ...
BREAKING: រដ្ឋបាលរាជធានីភ្នំពេញ ចេញសេចក្ដីសម្រេចផ្លូវការ អនុញ្ញាតឲ្យរៀបចំពិធីមង្គលការ និងពិធីសាសនាផ្សេងៗ ដោយមានអ្នកចូលរួមយ៉ាងច្រើន២០០នាក់(ភ្នំពេញ)៖ រដ្ឋបាលរាជធានីភ្នំពេញ នៅរសៀលថ្ងៃទី០៨ ខែវិច្ឆិកា ឆ្នាំ២០២១នេះ បានចេញសេចក្ដីសម្រេចផ្លូវការអនុញ្ញាតឲ្យរៀបចំពិធីអាពាហ៍ពិពាហ៍ និ ...
រដ្ឋមន្ត្រីការបរទេសអូស្ត្រាលី អបអរសាទរដល់កម្ពុជា ដែលធ្វើជាម្ចាស់ផ្ទះកិច្ចប្រជុំអាស៊ាន ហើយសន្យាជួយឱ្យទទួលជោគជ័យក្នុងនាមជាប្រធានអាស៊ាន (ភ្នំពេញ)៖ លោកស្រី ម៉ារីស ផែន រដ្ឋមន្ត្រីការបរទេស និងជារដ្ឋមន្ត្រីកិច្ចការនារីអូស្ត្រាលី បានសម្តែងការអបអរសាទរចំពោះកម្ពុជា ដែលបានទទួលធ្ ...
អ្នកនាំពាក្យសាលាដំបូងរាជធានីភ្នំពេញ៖ លោក យឹម ស៊ីណន និងក្រុមរបស់ខ្លួន តុលាការបានចេញដីកាបញ្ឈប់ឲ្យចាប់ខ្លួនតាំងពីខែវិច្ឆិកា ឆ្នាំ២០១៩មកម្ល៉េះ (Video inside)(ភ្នំពេញ)៖ នៅព្រលប់ថ្ងៃទី៣០ ខែកញ្ញា ឆ្នាំ២០២១នេះអ្នកនាំពាក្យសាលាដំបូងរាជធានីភ្នំពេញ បានថ្លែងប្រាប់បណ្តាញព័ត៌មាន Fresh News ឲ្យដឹងថា សា ...
សម្តេចពិជ័យសេនា ទៀ បាញ់៖ ដំណោះស្រាយលើទិដ្ឋភាពយោធា ជាបញ្ហាចោទធំជាងគេនៃដំណាក់កាលសម្រេចកិច្ចព្រមព្រៀងសន្តិភាពទីក្រុងប៉ារីស (Video inside) (ភ្នំពេញ)៖ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការជាតិនិងជាឥស្សរជនខ្មែរមួយរូបដែលបានចូលរួមយ៉ាងសកម្មក្នុងការអនុ ...
0 comments