រស្មីកម្ពុជា
សៀមរាបៈអ្នកជិះម៉ូតូមួយគ្រឿងដែលមានគ្នាបីនាក់បានបាត់បង់ជីវិតទាំងអស់ជាបន្តបន្ទាប់ក្រោយជួបហេតុការណ៍គ្រោះថ្នាក់ចរាចររវាងម៉ូតូដែលកំពុងជិះបុកជាមួយឡានធំមួយគ្រឿងនៅលើកំណាត់ផ្លូវជាតិលេខ ៦ចំណុចភូមិត្រាង ឃុំកណ្ដែក ស្រុកប្រាសាទបាគងកាលពីម៉ោងជាង ៦យប់ថ្ងៃទី៣០ខែមីនាឆ្នាំ២០១៨។
រថយន្តនិងម៉ូតូមានទិសដៅច្រាសទិសគ្នាពីលិចទៅកើត។អ្នកបើកបររថយន្តមិនស្គាល់ឈ្មោះទេព្រោះក្រោយហេតុការណ៍បានរត់គេចខ្លួនបាត់ បន្សល់រថយន្តម៉ាកគា ពណ៌សស្លាកលេខ សៀមរាប3A2068ដឹកដីពីកើតទៅលិច ។
អ្នកបើកបរម៉ូតូឈ្មោះហ៊ាប កឹង ភេទប្រុសអាយុ ២៦ឆ្នាំរស់នៅភូមិស្វាយជ័យ ឃុំត្រពាំងធំ ស្រុកប្រាសាទបាគងស្លាប់នៅកន្លែងកើតហេតុ ។ម៉ូតូបើកពីលិចទៅកើត។ចំណែកឯអ្នកជិះពីក្រោយពីរនាក់ទៀត មានឈ្មោះ លើត ភេទប្រុស អាយុ២២ឆ្នាំស្លាប់នៅកន្លែងកើតហេតុ(រស់នៅភូមិឃុំជាមួយហ៊ាប កឹង)និងឈ្មោះ រ៉ាន់ ភេទប្រុស អាយុ២៣ឆ្នាំ ទីលំនៅបច្ចុប្បន្ន ភូមិ ពង្រ ឃុំកន្ទ្រាំង ស្រុកប្រាសាទបាគង ស្លាប់នៅកន្លែងកើតហេតុ។
ប៉ូលិសបញ្ជាក់ថាសពជនរងគ្រោះប្រគល់ឲ្យក្រុមគ្រួសារធ្វើបុណ្យតាមប្រពៃណី ។ចំណែកឯរថយន្តនិងម៉ូតូរក្សាទុកនៅកន្លែងអធិកាស្រុក។
ប៉ូលិសពុំទាន់បានបញ្ជាក់អំពីមូលហេតុនៃគ្រោះថ្នាក់នេះនៅឡើយទេ៕
0 comments