ពិតជាមិនធម្មតានោះទេកូនប្រុសទាំង៣ របស់កំពូលតារាចម្រៀងលោក ព្រាប សុវត្ថិ ល្បីដល់ថ្នាក់ភ្ញៀវទេសចរណ៍ដែលមកកម្សាន្តនៅកម្ពុជាក៏សុំថតរូបជាមួយដែរ។ នេះបើតាមវីដេអូឃ្លីបមួយបង្ហោះនៅលើទំព័រហ្វេសប៊ុក សុវត្ថិ មុន្នីវណ្ណ ។
អ្វីដែលគួរឲ្យចាប់អារម្មណ៍នោះសកម្មភាពកំលោះសង្ហាទាំង៣រូបក្នុងវីដេអូឃ្លីបធ្វើឲ្យហ្វេនៗមួយចំនួន បានស្ងើចសរសើរយ៉ាងខ្លាំងចំពោះភាពរួសរាយរាក់ទាក់របស់ពួកគេ ទៅកាន់ភ្ញៀវបរទេសដែលសុំថតរូបជាមួយ ដោយមិនប្រកាន់ឫកពា ឆ្មើងឆ្មៃថាខ្លួនគឺជាកូនប្រុសកំពូលតារាចម្រៀងប្រចាំប្រទេសនោះទេ។ កូនប្រុសទាំង៣ របស់លោក ព្រាប សុវត្ថិ ដែលភ្ញៀវបរទេសសុំថតរូបពោរពេញដោយស្នាមញញឹម និងការគួរសម រួមមាន សុវត្ថិ មុន្នីវណ្ណ សុវត្ថិ មុន្នីនាគ និង សុវត្ថិ សិរីវុឌ្ឍ។
នេះមិនមែនជាលើកទី១ទេ ដែលអ្នកទាំងបីត្រូវបានបរទេសសុុំថតរូបអនុស្សាវីយ៍ជាមួយ ដោយកាលពីដំណើរកម្សាន្តនៅប្រទេសជប៉ុន ក៏មានបរទេសសុំថតជាមួយជាហូរហែដែរ។
0 comments