លោកនាយករដ្ឋមន្រ្តី ហ៊ុន សែន ដឹកនាំគណៈប្រតិភូត្រទ្បប់មកដល់ រាជធានីភ្នំពេញវិញដោយសុវត្ថិភាព

នៅវេលាថ្ងៃត្រង់ថ្ងៃទី៤ ខែធ្នូ ឆ្នាំ២០១៨នេះ លោកនាយករដ្ឋមន្រ្តី ហ៊ុន សែន បានអញ្ជើញដឹកនាំគណៈប្រតិភូត្រឡប់មកដល់ទីក្រុងភ្នំពេញវិញដោយសុវត្ថិភាពហើយ បន្ទាប់ពីបានអញ្ជើញចូលរួមអបអរសាទរខួប២៥ ឆ្នាំនៃការបង្កើតគណៈកម្មាធិការអន្តរជាតិសម្របសម្រួលកិច្ចគាំពារ និងអភិវឌ្ឍន៍តំបន់អង្គរដែលហៅកាត់ថា ICC Angkor នៅសណ្ឋាគារសុខា ខេត្តសៀមរាប។ ពិធីព្រឹកមិញនេះ បានប្រព្រឹត្តទៅដោយបរិយាកាសល្អប្រសើរ ដោយមាន ការចូលរួមពីមន្រ្តីនៃរាជរដ្ឋាភិបាលកម្ពុជា មន្រ្តីក្រសួងវប្បធម៌ និងវិចិត្រ សិល្បៈ ប្រធានអង្គការយូណេស្កូ មន្រ្តីអាជ្ញាធរអប្សរា មន្ត្រីស្ថានទូតបារាំង ស្ថានទូតជប៉ុន ក្រុមការងារគណៈកម្មាធិការ ICC Angkor រួមទាំងមន្រ្តី ពាក់ព័ន្ធផ្នែកកិច្ចការអភិរក្ស និងអភិវឌ្ឍសម្បត្តិបេតិកភណ្ឌ អង្គរជាច្រើន រូបទៀតផងដែរ៕