រដ្ឋាករទឹកស្វយ័តក្រុងភ្នំពេញ ជូនដំណឹងពីការផ្អាកផ្គត់ផ្គង់ទឹករយៈពេលខ្លី នៅក្នុងខណ្ឌសែនសុខ និងខណ្ឌឬឫស្សីកែវ ចាប់ពីថ្ងៃទី០៦ ដល់ថ្ងៃទី១២ ខែធ្នូ !

រដ្ឋាករទឹកស្វយ័តក្រុងភ្នំពេញ ជូនដំណឹងពីការផ្អាកផ្គត់ផ្គង់ទឹកស្អាតរយៈ ពេលខ្លី នៅតំបន់មួយចំនួនក្នុងខណ្ឌចំនួន២រួមមាន៖ ខណ្ឌសែនសុខ និង ខណ្ឌឫស្សីកែវ នៅយប់ថ្ងៃទី៦ រហូតដល់ថ្ងៃទី១២ ខែធ្នូ ឆ្នាំ២០១៨ ដោយ សារតែអ្នកជំនាញនឹងកាត់ភ្ជាប់បំពង់ចែកចាយទឹកថ្មី។ * ការផ្អាកផ្គត់ផ្គង់ទឹកនៅតំបន់សង្កាត់ទឹកថ្លា ខណ្ឌសែនសុខ នៅថ្ងៃទី០៦ ខែធ្នូ ឆ្នាំ២០១៨ មានរយៈពេលខ្លីប្រមាណ៤ម៉ោង ចាប់ពីម៉ោង២០៖០០នាទី យប់ ដល់ម៉ោង ២៤៖០០នាទីយប់។ * ការផ្អាកផ្គត់ផ្គង់ទឹកនៅតំបន់សង្កាត់ច្រាំងចំរេះ១ ខណ្ឌឫស្សីកែវ នៅថ្ងៃទី១២ ខែធ្នូ ឆ្នាំ២០១៨ មានរយៈពេលខ្លីប្រមាណ៨ម៉ោង ចាប់ពីម៉ោង២០៖០០នាទីយប់ ដល់ម៉ោង០៤៖០០នាទីព្រឹក៕