Credited: រស្មីកម្ពុជា:
ភ្នំពេញ: ឪពុកម្ដាយនិង អាណាព្យាបាលរបស់សិស្សមួយចំនួន បានមកលើកទឹកចិត្តកូន នៅមុខមណ្ឌលប្រឡង ដោយមានខ្លះឈរ ខ្លះអង្គុយនៅក្បែររបងមណ្ឌលប្រឡង។ នាព្រឹកថ្ងៃទី២០ ខែសីហា ឆ្នាំ២០១៨នេះ ឪពុកម្តាយមួយចំនួនបានប្រាប់រស្មីកម្ពុជាថា ពួកគាត់ សុខចិត្តខាតពេលវេលា ធ្វើការងារ រកស៊ី ដើម្បីបានមកលើកទឹកកូននិងចៅក្នុងពេលប្រឡង។
អ្នកស្រីចាន់ស៊ីថាដែលកំពុងឈរនៅខាងក្រៅរបងមណ្ឌលព្រះស៊ីសុវត្តិបានលើកឡើងថា គាត់មកពីតាមបណ្តាខេត្តមកដល់រាជធានីភ្នំពេញនេះគឺដើម្បីលើកទឹកចិត្តកូនស្រីរបស់គាត់កំពុងប្រឡង។
ស្ត្រីវ័យចំណាស់អាយុ៤៣ឆ្នាំរូបនេះបានប្រាប់បន្ថែមថា “បើយើងជាឪពុកម្តាយនៅខាងក្រៅអញ្ចឹងកូនដឹងវានឹងមានកម្លាំងចិត្ត មិនសូវខ្លាចគេ ហើយអាចធ្វើវិញ្ញាសារបានល្អ”។
លើកឡើងដូចគ្នានេះលោក ឌុលវឌ្ឍានាបានប្រាប់ឱ្យដឹងថាគាត់សុខចំណាយពេលវេលា២ថ្ងៃ មិនទៅធ្វើការរាជការទេ ដើម្បីឈរលើកទឹកចិត្តកូននៅខាងក្រៅរបងសាលា។ ការធ្វើបែបនេះ ដើម្បីឱ្យកូនមានទឹកចិត្តនិងអាចធ្វើឱ្យការប្រឡងបានលទ្ធផលល្អ។ លោកបានបន្តឱ្យដឹងថា “បើតាមចិត្តសាស្ត្រនិងក្តីស្រឡាញ់របស់កូនលើឪពុកម្តាយ រួមទាំងកូនៗធ្លាប់ការពឹងផ្អែកលើឪពុកម្តាយឃើញថា ការមករង់ចាំលើកទឹកចិត្តនេះ គឺជាការជួយលើកទឹកចិត្តយ៉ាងខ្លាំងដល់កូនៗ។ បើទោះបីជាប់ធ្លាក់យើងត្រូវតែផ្តល់នូវថ្ងៃពិសេសនេះដល់ពួកគេដែរ”។
ជាមួយការលើកឡើងបែបនេះ ក្រុមឪពុកម្តាយនិងអាណាព្យាបាលតាមសាលារៀនក៏គាំទ្រនូវការកំណែទម្រង់របស់ក្រសួងអប់រំ យុវជន និងកីឡា ក្រោមពាក្យស្លោក «អ្នកចេះ គឺជាប់» គឺ តម្រូវឱ្យបេក្ខជនធ្វើទៅតាមសមត្ថភាពផ្ទាល់ខ្លួន និងមិនអនុញ្ញាតឱ្យបេក្ខជនលួចចម្លងគ្នា ឬចម្លងសំណៅឯកសារផ្សេងៗឡើយ។ ពួកគាត់ថា កំណែទម្រង់នេះនឹងជួយឱ្យសិស្សមានសមត្ថភាពកាន់តែល្អប្រសើរជាងមុន និងពិសេសជាធនធានមនុស្សដ៏ល្អនៅថ្ងៃខាងមុខដល់ក្រុមគ្រួសារ និងប្រទេសជាតិថែមទៀត៕
ឪពុកម្តាយជាច្រើនមកអង្គុយចាំផ្តល់កម្លាំងចិត្តដល់កូនប្រឡងបាក់ឌុបនៅក្រៅសាលារៀន
Voice Of Countryside
5.0
stars based on
35
reviews
Credited: រស្មីកម្ពុជា: ភ្នំពេញ: ឪពុកម្ដាយនិង អាណាព្យាបាលរបស់សិស្សមួយចំនួន បានមកលើកទឹកចិត្តកូន នៅមុខមណ្ឌលប្រឡង ដោយមានខ្លះឈរ ខ្...
TOP NEWS: រដ្ឋបាលរាជធានីភ្នំពេញ ចេញសេចក្តីសម្រេចផ្អាកបណ្ដោះអាសន្នចំពោះសកម្មភាពការងារ មុខរបរ ឬអាជីវកម្មដែលមានហានិភ័យខ្ពស់ និងការជួបជុំ រយៈពេល៧ថ្ងៃ ដើម្បីទប់ស្កាត់ការរីករាលដាលជំងឺកូវីដ (ភ្នំពេញ)៖ រដ្ឋបាលរាជធានីភ្នំពេញ នាថ្ងៃទី២៩ ខែវិច្ឆិកា ឆ្នាំ២០២១នេះ បានចេញសេចក្ដីសម្រេចស្ដីពីការដាក់ចេញវិធានការរដ្ឋបាល ដោយផ្អាកជាបណ្ដោ ...
ឧបនាយករដ្ឋមន្រ្តី ជា សុផារ៉ា ប្តេជ្ញាបន្តខិតខំចុះបញ្ជីដីធ្លីឱ្យបាន១០០% នៅឆ្នាំ២០២៣ ខណៈក្រសួងចេញបណ្ណកម្មសិទ្ធិបាន ៦,៣លានក្បាលដី (ភ្នំពេញ)៖ ឧបនាយករដ្ឋមន្រ្តី ជា សុផារ៉ា រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានបង្ហាញការប្តេជ្ញាចិត្តបន្តខិតខំចុះបញ្ជីដី ...
ប្រមុខការទូត៖ តថភាពប្រវត្តិសាស្ត្រនៃកិច្ចព្រមព្រៀង ក្រុងប៉ារីសសម្រេចទៅបាន អាស្រ័យដោយគំនិត ឆន្ទៈ និងទឹកចិត្តស្នេហាជាតិពិតប្រាកដ របស់មហារដ្ឋបុរសមួយអង្គ និងមួយរូប (Video inside) (ភ្នំពេញ)៖ ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងសហប្រតិបត្តការអន្តរជាតិ បានថ្លែងថា កិច្ចព្រមព្រៀងទីក្រុងប៉ារីសស ...
TOP NEWS: ច្បាប់កំណត់សញ្ជាតិខ្មែរតែមួយ សម្រាប់មេដឹកនាំស្ថាប័នកំពូលរបស់ជាតិ ត្រូវបានព្រះមហាក្សត្រ ឡាយព្រះហស្ថដាក់ឱ្យប្រើប្រាស់ហើយ (Video inside) (ភ្នំពេញ)៖ ច្បាប់ស្តីពីការកំណត់សញ្ជាតិខ្មែរតែមួយ សម្រាប់ប្រធានក្រុមប្រឹក្សាធម្មនុញ្ញ ប្រធានព្រឹទ្ធសភា ប្រធានរដ្ឋសភា និងនាយករដ្ឋមន្ត្រី ...
TOP NEWS: រដ្ឋាភិបាលចិនរីករាយធ្វើជាបង្អែកវ៉ាក់សាំងដល់កម្ពុជា ទោះកន្លងទៅចិនមានការខ្វះខាតវ៉ាក់សាំង ប៉ុន្តែមិនដែលលេបសម្តីឡើយ (Video inside)(ភ្នំពេញ)៖ រដ្ឋាភិបាលចិនរីករាយជានិច្ច ក្នុងការធ្វើជាបង្អែកផ្គត់ផ្គង់វ៉ាក់សាំងកូវីដ១៩ ដល់រាជរដ្ឋាភិបាលកម្ពុជា ទោះបីជាកន្លងទៅ ចិនមានការខ ...
0 comments