Home ព័ត៍មានអន្តរជាតិ សិល្បៈ តារាស្រីអ៊ីតាលី ដែលចោទលោកវេនស្តិនថារំលោភនាង ឥឡូវត្រូវបុរសវ័យក្មេងម្នាក់ចោទវិញថារំលោភខ្លួនកាលមិនទាន់ពេញវ័យ រួចបង់លុយបំបិទមាត់

Monday, August 20, 2018

តារាស្រីអ៊ីតាលី ដែលចោទលោកវេនស្តិនថារំលោភនាង ឥឡូវត្រូវបុរសវ័យក្មេងម្នាក់ចោទវិញថារំលោភខ្លួនកាលមិនទាន់ពេញវ័យ រួចបង់លុយបំបិទមាត់

Credited: រស្មីកម្ពុជា: កាសែត The New York Times បានរាយការណ៍កាលពីថ្ងៃអាទិត្យ ទី១៩សីហាថា តារាសម្តែងអ៊ីតាលី នាង អេស៊ា អាជែនតូ (Asia Argento) ដែលបានក្លាយជាបុគ្គលឈានមុខគេនៅក្នុងចលនា #MeToo បន្ទាប់ពីបានចោទប្រកាន់ផលិតករភាពយន្តដ៏មានអំណាច លោក ហាវី វេនស្តិន ពីបទរំលោភសេពសន្ថវៈនោះ បានបង់ប្រាក់បំបិទមាត់ដល់បុរសម្នាក់ដែលបានអះអាងថានាងបានរំលោភបំពានផ្លូវភេទមកលើគាត់ នៅពេលគាត់មានអាយុ ១៧ ឆ្នាំ។ យោងតាមកាសែត Times ដែលបានដកស្រង់ឯកសារផ្ញើមកកាន់កាសែតនេះដោយភាគីមិនស្គាល់អត្តសញ្ញាណមួយបានឱ្យដឹងថា ប្រាក់ចំនួន ៣៨០.០០០ ដុល្លារ ត្រូវបានបង់ឱ្យទៅលោក ជីមមី បិនណេត (Jimmy Bennett) ជាតារាសម្តែងនិងអ្នកតន្ត្រីរ៉ុក ដែលបានអះអាងថា នាង អាជែនតូ បានចាប់រំលោភគាត់នៅក្នុងបន្ទប់សណ្ឋាគារមួយនៅរដ្ឋកាលីហ្វ័រញ៉ាក្នុងឆ្នាំ ២០១៣។ ជីមមី បិនណេត កាលណោះទើបឈានចូលអាយុ ១៧ ឆ្នាំបាន ២ ខែប៉ុណ្ណោះ នៅពេលបានជួបនាងអាជែនតូ អាយុ ៣៧ ឆ្នាំនៅគ្រានោះ។ អាយុស្របច្បាប់អាចរួមភេទព្រមព្រៀងគ្នាបាននៅក្នុងរដ្ឋកាលីហ្វ័រញ៉ាគឺ ១៨ ឆ្នាំ។ កាសែតនេះបាននិយាយថាខ្លួនបានព្យាយាមម្តងហើយម្តងទៀតដោយពុំទទួលបានជោគជ័យទេដើម្បីទទួលបានការអត្ថាធិប្បាយលើបញ្ហានេះពីនាងអាជែនតូនិងតំណាងរបស់នាង។ យោងតាមឯកសារដែលកាសែត Times បានឃើញ លក្ខខណ្ឌនៃកិច្ចព្រមព្រៀងបង់លុយបំបិទមាត់នោះ គឺរួមមានទាំងការទូទាត់លុយបណ្តាក់តាមកាលកំណត់ ដែលបានបញ្ចប់សព្វគ្រប់កាលពីខែមេសាឆ្នាំនេះ។ មនុស្ស៣នាក់ដែលដឹងអំពីរឿងនេះបានប្រាប់កាសែតថា ឯកសារទាំងនោះគឺជាឯកសារត្រឹមត្រូវ៕

តារាស្រីអ៊ីតាលី ដែលចោទលោកវេនស្តិនថារំលោភនាង ឥឡូវត្រូវបុរសវ័យក្មេងម្នាក់ចោទវិញថារំលោភខ្លួនកាលមិនទាន់ពេញវ័យ រួចបង់លុយបំបិទមាត់ Voice Of Countryside 2018-08-20T21:32:00+07:00 5.0 stars based on 35 reviews Credited: រស្មីកម្ពុជា: កាសែត The New York Times បានរាយការណ៍កាលពីថ្ងៃអាទិត្យ ទី១៩សីហាថា តារាសម្តែងអ៊ីតាលី នាង អេស៊ា អាជែនតូ (...