ព្រះមហាក្សត្រ ចេញព្រះរាជក្រឹត្យលើកលែងទោសសកម្មជនដីធ្លីបឹងកក់ចំបួន៤នាក់

ភ្នំពេញៈ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានចេញព្រះរាជក្រឹត្យលើកលែងទោសអ្នកស្រី ទេព វន្នី ហេង មុំ បូ ឆវី និងអ្នកស្រី ហេង ចន្ថា សកម្មជនដីធ្លីបឹងកក់។ នេះបើយោងតាមព្រះក្រឹត្យចុះថ្ងៃទី២០ ខែសីហា ឆ្នាំ២០១៨ នេះ។ សកម្មជនដីធ្លីបឹងកក់បាននាំគ្នាទៅទទួលអ្នកស្រី ទេព វន្នី ពីពន្ធនាគារព្រៃស នៅយប់នេះ។ សូមឃម្រាបថា កាលពី​ថ្ងៃ​ទី​២៣ ខែ​កុម្ភៈ ឆ្នាំ​២០១៧ តុលាការ​ក្រុង​ភ្នំពេញ បាន​សម្រេច​ផ្ដន្ទាទោស អ្នកស្រី ទេព វន្នី ឲ្យ​ជាប់​ពន្ធនាគារ​ចំនួន ២​ឆ្នាំ​កន្លះ និង​ពិន័យ​ប្រាក់​បង់​ចូល​រដ្ឋ​ចំនួន ៥​លាន​រៀល ព្រមទាំង​សងជំងឺចិត្ត​សន្តិសុខ​ពីរ​នាក់​ជាដើម​បណ្ដឹង ចំនួន ៩​លាន​រៀល ពី​បទ​ហិង្សា​ដោយ​ចេតនា​មាន​ស្ថាន​ទម្ងន់​ទោស លើ​សន្តិសុខ​សណ្ដាប់ធ្នាប់​សាលា​ខណ្ឌ​ដូនពេញ ដែល​អាជ្ញាធរ​ចោទ​ថា បាន​ប្រព្រឹត្ត​នៅ​ក្បែរ​ផ្ទះ​លោកនាយក​រដ្ឋមន្ត្រី ហ៊ុន សែន កាលពី​ថ្ងៃ​ទី​១៣ ខែ​មីនា ឆ្នាំ​២០១៣។