បទបង្ហាញស្តីពីប្រវត្តិការបោះឆ្នោតនៅកម្ពុជា

ស្វាយរៀង៖ នៅព្រឹកថ្ងៃពុធ​​ទី២០​ ខែមិថុនា​ ឆ្នាំ​២០១៨ លោក តូច ប៉ូលីវ៉ា តំណាងលោកអភិបាលខេត្តស្វាយរៀង បានចូលរួមធ្វើបទបង្ហាញស្តីពីប្រវត្តិការបោះឆ្នោតនៅកម្ពុជា ដែលសហការរៀបចំដោយសាកលវិទ្យាល័យស្វាយរៀង និងអគ្គនាយកដ្ឋានទូរទស្សន៍និងវិទ្យុបាយ័ន្ត មានការចូលរួមពីមន្ត្រីរាជការសាលាខេត្ត បុគ្គលិកសិក្សាសាកលវិទ្យាល័យស្វាយរៀង ព្រះសង្ឃ សាសនិកអុីស្លាម និស្សិតសាកលវិទ្យាល័យ សិស្សានុ សិស្សថ្នាក់ទី១២ មកពីវិទ្យាល័យស្វាយរៀង វិទ្យាល័យហ៊ុនសែន ចេក វិទ្យាល័យស្វាយជ្រំ និងយុវជន​ សសយក ស្រុក-ក្រុងទាំង៨​ ក្នុងខេត្តស្វាយរៀង​ សរុបចំនួន​ ៧៥០នាក់​។ បទបង្ហាញនោះ ស្តីពីប្រវត្តិការបោះឆ្នោតនៅកម្ពុជា នៅសាលប្រជុំសាកលវិទ្យាល័យស្វាយរៀង ដោយ​ លោកបណ្ឌិត ដៀប សុផល អ្នកស្រាវជ្រាវប្រវត្តិសាស្រ្តនៅកម្ពុជា លោក ទុំ សារាវុធ សាកលវិទ្យាធិការនៃសាកលវិទ្យាល័យស្វាយរៀង លោក ម៉ែន អេង សមាជិកគណៈកម្មាធិការសិទ្ធិមនុស្សកម្ពុជា។ បទបង្ហាញតាមរយៈកម្មវិធីស្វែងយល់ការពិត មានគោលបំណងផ្សព្វផ្សាយ និងចែករំលែកបទពិសោធន៍ល្អៗ ពីប្រវតិ្តនៃការបោះឆ្នោតនៅកម្ពុជាដែលចាប់ផ្តើមចាប់ផ្តើមពីឆ្នាំ១៩៤៧ ព្រមទាំងអនុញ្ញាតឱ្យព្រះសង្ឃ លោកគ្រូ អ្នកគ្រូ សិស្ស និស្សិត យុវជន សសយកខេត្ត ចូលរួមស្ដាប់ និងផ្ដល់ជាសំនួរ សំណូមពរខ្លះៗ ហើយបានស្វែងយល់បង្កើននូវចំណេះដឹងទូទៅតាមរយៈការសួរដេញដោលផងដែរ៕