Credited: រស្មីកម្ពុជា :
មេដឹកនាំកូរ៉េខាងជើង លោក គីម ជុង អ៊ុន កំពុងធ្វើទស្សនកិច្ចនៅចិននៅថ្ងៃអង្គារនិងថ្ងៃពុធទី២០មិថុនាគឺមួយសប្តាហ៍បន្ទាប់ពីកិច្ចជំនួបកំពូលជាមួយប្រធានាធិបតីអាមេរិក លោក ដូណាល់ត្រាំ ។ នេះបើយោងតាមទូរទស្សន៍រដ្ឋCCTV របស់ចិន។
ទូរទស្សន៍ CCTVមិនបាននិយាយថាតើ លោក គីម ជុង អ៊ុន បានមកដល់ទីក្រុងប៉េកាំងឬយ៉ាងណានោះទេប៉ុន្តែសន្តិសុខនៅតាមផ្លូវធំឆ្ពោះទៅកាន់ព្រលានយន្តហោះនៃទីក្រុងនេះ ត្រូវបានរឹតបន្តឹងកាលពីព្រឹកថ្ងៃអង្គារ ខណៈដែលក្រុមអាជ្ញាធរបានរៀបចំសម្រាប់ការមកដល់របស់លោក។
ការធ្វើទស្សនកិច្ចនេះនឹងក្លាយជាលើកទី៣របស់លោកគីម ជុង អ៊ុន ទៅកាន់ប្រទេសចិនចាប់តាំងពីខែមីនាមក នៅពេល លោកបានធ្វើដំណើរទស្សនកិច្ចបរទេសជាលើកដំបូងក្នុងនាមជាមេដឹកនាំ។
សារព័ត៌មានជប៉ុនNikkei បាននិយាយរាយការណ៍ទីក្រុងប៉េកាំងថា លោក គីម ជុង អ៊ុន កំពុងស្វែងរកការបន្ទូរបន្ថយពីការដាក់ទណ្ឌកម្មសេដ្ឋកិច្ច ជាថ្នូរនឹងការសន្យារបស់ខ្លួនដោយរំលាយចោលអាវុធនុយក្លេអ៊ែរហើយត្រូវបានគេជឿថាកំពុងស្វែងរកការគាំទ្រពីចិនចំពោះបញ្ហានេះ ។
បន្ទាប់ពីកិច្ចជំនួបកំពូលជាប្រវត្តិសាស្ត្រអាមេរិក -កូរ៉េខាងជើងនៅសិង្ហបុរីកាលពីមួយសប្តាហ៍កន្លងទៅនេះចិនបានស្នើឱ្យក្រុមប្រឹក្សាសន្តិសុខអង្គការសហប្រជាជាតិអាចពិចារណាការបន្ថយការដាក់ទណ្ឌកម្មសេដ្ឋកិច្ចទៅលើប្រទេសសម្ពន្ធមិត្តសម័យសង្គ្រាមត្រជាក់របស់ខ្លួននេះ ។
ចិនមិនមែនជាអ្នកដើរតួផ្ទាល់នៅក្នុងជំនួបចរចានេះនៅប្រទេសសិង្ហបុរីនោះទេ ប៉ុន្តែចិននៅតែរក្សាឥទ្ធិពលខ្លាំងរបស់ខ្លួននៅពីក្រោយឆាកចរចានេះ៕
មេដឹកនាំកូរ៉េខាងជើង គីម ជុង អ៊ុន ធ្វើទស្សនកិច្ចនៅចិន នៅថ្ងៃអង្គារនិងថ្ងៃពុធ
Voice Of Countryside
5.0
stars based on
35
reviews
Credited: រស្មីកម្ពុជា : មេដឹកនាំកូរ៉េខាងជើង លោក គីម ជុង អ៊ុន កំពុងធ្វើទស្សនកិច្ចនៅចិននៅថ្ងៃអង្គារនិងថ្ងៃពុធទី២០មិថុនាគឺមួ...
0 comments