ដាច់​បាក់​ធ្លាក់​ផ្ទាំង​បេតុង​សង្កត់​លើក​ម្មករ​ម្នាក់​ស្លាប់​នៅ​ខណ្ឌ​ពោធិ​សែន​ជ័យ​

Credited: រស្មីកម្ពុជា ភ្នំពេញៈ​កម្មករសំណង់​ម្នាក់​បាន​ស្លាប់​ភ្លាមៗ​នៅនឹងកន្លែង​។​ចំណែក​២​នាក់​ទៀត​រួច​ផុតពី​គ្រោះ​បន្ទាប់​ដាច់​បាក់​ផ្ទាំង​ថ្ម​វ៉េ​រ៉ង​ដា​ធ្លាក់​សង្កត់ពីលើ​។​ហេតុការណ៍​បានកើត​ឡើង​ស្ថិតនៅ​សំណង់​អាគារ​រោងចក្រ​ថ្មី​ក្នុងភូមិ​ព្រៃរ​ងៀង​សង្កាត់​ភ្លើង​ឆេះ​រទេះ​ខណ្ឌ​ពោធិ​សែន​ជ័យ​កាលពី​វេលា​ម៉ោង​១​និង​៣០​នាទី​រសៀល ថ្ងៃទី​២៣ ខែឧសភា ឆ្នាំ​២០១៨ ។​ ​ប្រភពព័ត៌មាន​បានឱ្យ​ដឹងថា​ជនរងគ្រោះ ឈ្មោះ ស៊ុ ចាយ ភេទ​ប្រុស អ​យុ ៥៦​ឆ្នាំ មុខរបរ កម្មករសំណង់ មាន​ប្រពន្ធ​ឈ្មោះ ប៉ិល មាលា អ​យុ​៣៩​ឆ្នាំ មុខរបរ កម្មករសំណង់ ដូចគ្នា ស្នាក់​នៅក្នុង​ការដ្ឋាន​ខា​ង​លើ មាន​ស្រុកកំណើត ភូមិ ស្រះ​ព្រីង ឃុំ បាធាយ ស្រុក​បាធាយ ខេត្ត​កំពង​ចាម ។ ជនរងគ្រោះ មានកូន​៣​នាក់ ប្រុស​ម្នាក់​ស្រី​២​នាក់ ក្នុងបន្ទុក​គ្រួសារ ។​ ​កម្មករ​ម្នាក់​បានឱ្យដឹងថា មុន​កើតហេតុ កម្មករ​៣​នាក់ រួមទាំង​ជនរងគ្រោះ​ផង ចូលទៅក្នុង​អាគារ​ខាងលើ យក​រទេះ​ដើម្បី ដាក់​កំបោរ ពេល​អូស​រទេះ​ចេញមក​វិញ ស្រាប់តែ វ៉េ​រ៉ង់​ដា ខាងលើ​អាគារ បាន​ដាច់​ធ្លាក់​មក​ដី សង្កត់​លើ​ជនរងគ្រោះ កម្មករ​២​នាក់​ទៀត​រត់​គេចផុត មិនមាន​របួស ។​ ​ក្រោយ​កើតហេតុ ជនជាតិ​ចិន​ជា​ថៅកែ​រោងចក្រ ខាងលើ ព្យាយាម​ឲ្យ​ដឹក​សាកសព​ចេញ តែ​ត្រូវបាន​ប្រជាពលរដ្ឋ កម្មករ សមត្ថកិច្ច​រារាំង រង់ចាំ​សមត្ថកិច្ច​ពិនិត្យ​ជាមុនសិន ៕