ភ្លៀងនឹងនៅតែបន្តធ្លាក់រាយប៉ាយទូទាំងប្រទេសពីថ្ងៃទី០២ ដល់ថ្ងៃទី១១ ខែឧសភា ឆ្នាំ២០១៨នេះ

ខក្រសួងធនធានទឹក និងឧតុនិយម កាលពីថ្ងៃទី០២ ខែឧសភា ឆ្នាំ២០១៨ បានចេញសេចក្តីជូនដំណឹង ស្តីពីបញ្ហាអាកាសធាតុនៅកម្ពុជា ដោយបានបញ្ជាក់ថា កម្ពុជានឹងទទួលរងឥទ្ធិពលសម្ពាធទាប នឹងបង្កឱ្យមានភ្លៀងធ្លាក់រាយប៉ាយ ជាបន្តបន្ទាប់នៅទូទាំងប្រទេសចាប់ពីថ្ងៃទី០២ ដល់ថ្ងៃទី១១ ខែឧសភា ឆ្នាំ២០១៨។ ក្រសួងធនធានទឹកបានឱ្យដឹងទៀតថា ខ្យល់ចាប់ផ្តើមបក់មកពីទិសនិរតីមានរយៈកម្ពស់១,៥០០ម៉ែត្រ, សម្រាប់រដូវវស្សាពេញលេញ នឹងមកដល់នៅថ្ងៃទី៥ ខែឧសភា ឆ្នាំ២០១៨។ ជាមួយគ្នានេះ ក្រសួងធនធានទឹក បានបញ្ជាក់ឱ្យដឹងទៀតថា៖ ១-ចាប់ពីថ្ងៃទី២-៣ ខែឧសភា ឆ្នាំ២០១៨ ភ្លៀងនឹងបន្តធ្លាក់រាយប៉ាយលើផ្ទៃប្រទេស ជាពិសេសបណ្តាខេត្តនៅភាគខាងកើត នៅជាប់បន្ទាត់ព្រំដែនប្រទេសវៀតណាម និងមានភ្លៀងធ្លាក់ច្រើន។ ២- ចាប់ពីថ្ងៃទី៤ ដល់ថ្ងៃទី១១ ខែឧសភា ឆ្នាំ២០១៨ ភ្លៀងនឹងបន្តធ្លាក់រាយប៉ាយលើផ្ទៃប្រទេស ក្នុងកម្រិតពីមធ្យមទៅច្រើន នឹងអាចបង្កឱ្យមានជំនន់ទឹកភ្លៀងជាថ្មី នៅតាមបណ្តារាជធានី-ខេត្តមួយចំនួន ជាពិសេសតំបន់ទំនាបកណ្តាល៕ សូមអានសេចក្តីជូនដំណឹង របស់ក្រសួងធនធានទឹក ទាំងស្រុង៖