(ភ្នំពេញ)៖ កម្លាំងជំនាញសន្តិសុខនៃអធិកាដ្ឋាននគរបាលខណ្ឌដូនពេញសហការជាមួយកម្លាំងប្រជាការពារខណ្ឌបានឃាត់ខ្លួនបុរសជនជាតិបារាំងម្នាក់ បង្ហោះ ដ្រូន (យានគ្មានមនុស្សបើកបញ្ជាពីចម្ងាយ) មកលើភូមិគ្រឹះសម្តេចតេជោ ។
ករណីខាងលើនេះ បានកើតឡើងកាលពីវេលាម៉ោង៦ព្រលប់ ថ្ងៃពុធទី២១ ខែកុម្ភៈ ឆ្នាំ២០១៨ ត្រង់ចំណុច ស្ពាននាគកោះពេជ្រ សង្កាត់ចតុមុខ ខណ្ឌដូនពេញ ។
បុរសដែលសមត្ថកិច្ចឃាត់ខ្លួននោះ ឈ្មោះ BRECKLER PIERRE MICHEL ជាជនជាតិបារាំង បានបង្ហោះ ដ្រូន មកលើភូមិគ្រឹះ សម្តេចតេជោ តែត្រូវបានកម្លាំងជំនាញសន្តិសុខនៃអធិកាដ្ឋាននគរបាលខណ្ឌដូនពេញ និងកម្លាំងប្រជាការពារខណ្ឌដូនពេញ ចាប់ខ្លួនតែម្តង ។
បច្ចុប្បន្ន ជនសង្ស័យត្រូវបានបញ្ជូន មកប៉ុស្តិ៍នគរបាលចតុមុខ ដើម្បីរង់ចាំជំនាញនាយកដ្ឋានប្រឆាំងបទល្មើសបច្ចេកវិទ្យានៃអគ្គស្នងការនគរបាលជាតិចាត់ការបន្តតាមនីតិវិធី ៕
0 comments