មេដឹកនាំប្រទេសមេគង្គ-ឡានឆាងទាំង៥រូប បានអញ្ជើញមកដល់ប្រទេសកម្ពុជាហើយ ដើម្បីចូលរួមប្រជុំកំពូល​ថ្នាក់តំបន់ មេគង្គ-ឡានឆាង លើកទី២

(ភ្នំពេញ)៖ មេដឹកនាំនៃប្រទេសមេគង្គ-ឡានឆាង ទាំង៥រូប​​បានមកដល់ប្រទេសកម្ពុជាហើយ នៅរសៀលថ្ងៃទី១០ ខែមករា ឆ្នាំ២០១៨នេះ ​ដើម្បីត្រៀមចូលរួមកិច្ចប្រជុំកំពូល​ថ្នាក់តំបន់ មេគង្គ-ឡានឆាង លើកទី២ ដែលកម្ពុជាធ្វើជាម្ចាស់ផ្ទះ។

មេដឹកនាំទាំង៥រូបនោះគឺ ទី១៖ លោក មៀន ស្វេ អនុប្រធានាធិបតីមីយ៉ាន់ម៉ា, ទី២៖ ​លោក ង្វៀន សួនហ្វ៊ុក នាយករដ្ឋមន្ដ្រីវៀតណាម, ទី៣៖ លោក ថងលូន ស៊ីសូលីត នាយករដ្ឋមន្ដ្រីឡាវ, ទី៤៖​​ លោក ប្រាយុទ្ធ ច័ន្ទអូឆា នាយករដ្ឋមន្ដ្រីថៃ និងទី៥៖ លោក លី ខឺឈាង នាយករដ្ឋមន្ដ្រីចិន។
សូមបញ្ជាក់ថា សម្រាប់កិច្ចប្រជុំកំពូលមេគង្គ-ឡានឆាងលើកទី២ នឹងចាប់ផ្តើមឡើងនៅវិមានសន្តិភាព នៅ៤៖០០នាទីរសៀលថ្ងៃទី១០ ខែមករា ឆ្នាំ២០១៨នេះ ដោយសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងលោក លី ខឺឈាង នាយករដ្ឋមន្ត្រីចិន ធ្វើជាសហប្រធាន៕
#Cambodia
#Asian
#AngkorWat