ពិភពលោកអាចឱ្យគ្រប់ប្រទេសមានការអភិវឌ្ឍ និងឈានទៅមុខជាមួយគ្នាបានទាំងស្រុង, នេះបើតាមសម្តីប្រធានាធិបតីចិន

(ប៉េកាំង)៖ នៅថ្ងៃទី២១ ខែកញ្ញា ឆ្នាំ២០២១ លោក Xi Jinping ប្រធានរដ្ឋចិនបានអញ្ជើញចូលរួមការជជែកពិភាក្សាទូទៅ នៃមហាសន្និបាតអង្គការសហប្រតិបត្តិការលើកទី៧៦ ព្រមទាំងថ្លែងសុន្ទរកថាគន្លឹះក្រោមចំណងជើងថា «ពង្រឹងជំនឿចិត្តយ៉ាងមុតមាំ រួមគ្នាពុះពារឧបសគ្គ រួមគ្នាកសាងពិភពកាន់តែល្អបវរ» តាមប្រព័ន្ធវីដេអូនៅទីក្រុងប៉េកាំង។ លោក Xi Jinping បានថ្លែងថា ភាពជោគជ័យរបស់ប្រទេសណាមួយ មិនមានន័យថាប្រទេសផ្សេង បានបរាជ័យនោះឡើយ ពិភពលោកអាចឱ្យគ្រប់ប្រទេសនានា អភិវឌ្ឍនិងឈានទៅមុខជាមួយគ្នាបានទាំងស្រុង។ យើងត្រូវប្រកាន់ខ្ជាប់ធ្វើការចរចា តែមិនបដិបក្ខគ្នា គួរមានបរិយាប័ន្ន តែមិនរើសអើងអ្នកដទៃ ដើម្បីបង្កើតទំនាក់ទំនងអន្តរជាតិបែបថ្មី ដែលគោរពគ្នា ប្រកបដោយភាពសច្ចយុត្តិធម៌ និងកិច្ចសហប្រតិបត្តិការឈ្នះ-ឈ្នះ ដើម្បីពង្រីកទំហំនៃផលប្រយោជន៍រួមឱ្យកាន់តែធំថែមទៀត៕