លោកនាយករដ្ឋមន្រ្តី ហ៊ុន សែន សរសេរក្នុងហ្វេសប៊ុកថ្លែងអំណរគុណដល់ប្រជាពលរដ្ឋទាំងអស់ដែលបានជូនពរលោកក្នុងថ្ងៃខួបកំណើត

នៅរសៀលថ្ងៃទី៥ ខែសីហា ឆ្នាំ២០១៩ ដែលជាថ្ងៃខួបកំណើតរបស់លោក តាមរយៈទំព័រហ្វេសប៊ុកផ្លូវការរបស់ខ្លួន លោកនាយករដ្ឋមន្រ្តី ហ៊ុន សែន បានបង្ហាញនូវរូបថតជាមួយចៅៗ ជួបជុំកូនចៅក្នុងថ្ងៃខួបកំណើត រួមជាមួយនឹងការថ្លែងអំណរគុណដល់ប្រជាពលរដ្ឋទាំងអស់ដែលបានជូនពរលោកក្នុងថ្ងៃខួបកំណើត។ លោកនាយករដ្ឋមន្រ្តី ហ៊ុន សែន បានសរសេរនៅក្នុងហ្វេសប៊ុកថា «អវត្តមានចៅទីមួយនៅសល់ចៅ១៩នាក់តែដូចចាប់ក្តាមដាក់ចង្អេរទម្រាំថតរូបបានលំបាកជាងប្រមូលទាហាន ១ ម៉ឺននាក់ចេញច្បាំងទៅទៀត។ រូបថតចៅ៣នាក់គឺទី១៨ទី១៩និងទី២០កំពុងសង្ឃឹមនឹងមានចៅទី២១ និងទី២២ទៀត។ អរគុណបងប្អូនជនរួមជាតិដែលបានជូនពរដល់ខ្ញុំក្នុងថ្ងៃខួបកំណើត»៕