សិក្ខាសាលាបណ្តុះបណ្តាលគ្រូបង្គោលស្តីពីការអភិវឌ្ឍ និងការគ្រប់គ្រងឧស្សាហកម្មទេសចរណ៍សម្រាប់កម្ពុជា

ក្រសួងទេសចរណ៍ សហការជាមួយស្ថានទូតចិន នឹងរៀបចំសិក្ខាសាលាបណ្តុះបណ្តាលបង្គោលស្តីពីការអភិវឌ្ឍ និងការគ្រប់គ្រងឧស្សាហកម្មទេសចរណ៍សម្រាប់កម្ពុជាឆ្ពោះទៅឧស្សាហកម្ម ៤.០ ដោយមិនគិតថ្លៃ ដើម្បីពង្រឹងជំនាញបច្ចេកវិទ្យាក្នុងឧស្សាហកម្ម ៤.០ ផ្នែកទេសចរណ៍ ដល់មន្ត្រីរាជការ បុគ្គលិក ប្រតិបត្តិករទេសចរណ៍ អ្នកសិក្សាផ្នែកទេសចរណ៍ ដែលមានចំណាប់អារម្មណ៍លើបច្ចេកវិទ្យា ស្របតាមបរិបទបដិវត្តន៍សេដ្ឋកិច្ចឌីជីថល និងនិន្នាការនៃបច្ចេកវិទ្យាព័ត៌មានវិទ្យាបច្ចុប្បន្ន។ សិក្ខាសាលាសិក្សានេះ នឹងចាប់ផ្តើមពីថ្ងៃ១០ ដល់ថ្ងៃទី២៤ ខែសីហា ឆ្នាំ២០១៩ នៅសណ្ឋាគារភ្នំពេញ រាជធានីភ្នំពេញ ចាប់ពីម៉ោង ៩ ដល់ម៉ោង ៥និង៣០នាទី។ ក្រោយពេលបញ្ចប់វគ្គសិក្សា អ្នកចូលរួមនឹងទទួលបានវិញ្ញាបនប័ត្រ ការយល់ដឹងអំពីបច្ចេកវិទ្យាថ្មីៗ ពិសេសក្នុងវិស័យទេសរណ៍ និងបច្ចេកវិទ្យាឌីជីថលថ្មីៗ ដែលគ្រប់អាជីវកម្មទាំងអស់ត្រូវការចាំបាច់ក្នុងការជំរុញការប្រតិបត្តិជាធាតុចូលសម្រាប់ការអភិវឌ្ឍវិស័យទេសចរណ៍។ ដោយទ្បែក គ្រប់ការធ្វើបទបង្ហាញ អាចចម្លងជា Soft Copies និងសន្លឹកកិច្ចការនានាពីគ្រូបាន។ កម្មវិធីសិក្សានឹងផ្តល់ជូនឥតគិតថ្លៃនូវ អាហារថ្ងៃត្រង់ និងអាហារសម្រន់៕