លោកនាយករដ្ឋមន្ត្រី ហ៊ុន សែន ផ្ញើសាររំលែកទុក្ខជូនភរិយាសពព្រឹទ្ធាចារ្យភិរម្យវោហារ ប្រាជ្ញ ឈួន

លោកនាយករដ្ឋមន្ត្រី ហ៊ុន សែន នៅថ្ងៃទី១៧ ខែវិច្ឆិកា ឆ្នាំ២០១៨ បានផ្ញើសារចូលរួមរំលែកមរណទុក្ខផ្ញើជូន ឧបាសិកា អ៊ុក ព្រីង ភរិយាសពព្រឹទ្ធាចារ្យភិរម្យវោហារ ប្រាជ្ញ ឈួន ដែលទទួលមរណភាព ក្នុងជន្មាយុ ៨២ឆ្នាំ ដោយរោគាជរាពាធ។ នៅក្នុងសារលិខិតរបស់លោកនាយករដ្ឋមន្ត្រី ហ៊ុន សែន បានបញ្ជាក់ថា ទោះបីជាព្រឹទ្ធាចារ្យភិរម្យវោហារ ប្រាជ្ញ ឈួន បានលាចាកលោកទៅហើយក្តី​ ប៉ុន្តែឆន្ទៈ​ មនសិការ បញ្ញាញាណរបស់លោកនៅតែភ្លឺចិញ្ចាចជានិច្ចនៅក្នុងបេះដូងខ្មែរគ្រប់ពេលវេលា៕