ប្រាក់ឈ្នួលអប្បបរមារបស់កម្មករ និយោជិត ក្នុងវិស័យកាត់ដេរ និងផលិតស្បែកជើងសម្រាប់ឆ្នាំ២០១៩ត្រូវបានកំណត់ជាផ្លូវការ ចំនួន១៨២ដុល្លារអាមេរិកក្នុងមួយខែ

សេចក្តីប្រកាសរបស់ក្រសួងការងារ និងបណ្តុះបណ្តាលវិជ្ជាជីវ: ចុះថ្ងៃទី៥ តុលានេះ បានអោយដឹងថា លោកនាយករដ្ឋមន្រ្តី ហ៊ុន សែន បានសម្រចបន្ថែម៥ដុល្លារ លើតួលេខដែលបានបោះឆ្នោតដោយក្រុមប្រឹក្សាការងារ ១៧៧ដុល្លារ ដែលធ្វើឱ្យប្រាក់ឈ្នួលអប្បបរមារបស់ កម្មករនិយោជិត ក្នុងវិស័យកាត់ដេរសំលៀកបំពាក់ និងស្បែកជើង កើនដល់១៨២ដុល្លារ សហរដ្ឋអាមេរិក សម្រាប់ឆ្នាំ២០១៩ខាងមុខនេះ។ នៅក្នុងប្រកាសរបស់ក្រសួងការងារដដែលនេះ បានឱ្យដឹងថា ប្រាក់អត្ថប្រយោជន៍ផ្សេងៗទៀតដែលកម្មករ និយោជិតធ្លាប់ទទួលបានកន្លងមកត្រូវរក្សាទុកដដែល ហើយប្រាក់ឈ្នួលអប្បបរមាថ្មីនេះ ត្រូវអនុវត្តចាប់ពីថ្ងៃទី០១ ខែមករា ឆ្នាំ២០១៩តទៅ៕