លោក ហ៊ុន ម៉ាណែត លើកឡើងថា មានអ្នកប្រើល្បិចលាបពណ៌លោក តែជារឿយៗពួកគេតែងបរាជ័យ

លោក ហ៊ុន ម៉ាណែត មេបញ្ជាការកងទ័ពជើងគោក និងជាកូនប្រុសច្បងលោកនាយករដ្ឋមន្ត្រី ហ៊ុន សែន នៅថ្ងៃទី៤ ខែតុលា ឆ្នាំ២០១៨ បានបង្ហោះក្នុងទំព័រ Facebook របស់លោកថា «ត្រលប់មកពីក្រៅប្រទេសភ្លាម ជួបរឿងប្លែកៗភ្លាម។ ពួកអស់លោកខ្លះរកវិធីត្រឹមត្រូវបំបាក់ខ្ញុំមិនបាន បែរជាបង្កើតរឿងប្លែកៗដើម្បីមកបំផ្លាញកិត្តិយសខ្ញុំទៅវិញ »។ ទំនងជាសំដៅទៅលើក្រុមប្រឆាំង ដែលប៉ុនប៉ងព្យាបាទម្តងហើយម្តងទៀត ក្នុងការសំអុយកេរ្តិ៍ឈ្មោះ លោក ហ៊ុន ម៉ាណែត បានបញ្ជាក់ថា « ល្បិចអស់នេះគេដឹងអស់ហើយ ហើយក៏មិនមែនជាលើកទីមួយដែរ ដែលក្រុមពួកគេបានបង្កើតរឿងប្លែកៗ ដើម្បីយកមកលាបពណ៌ខ្ញុំបែបនេះ។ ឈប់បាន ឈប់ទៅ…» ។