Credited: រស្មីកម្ពុជា:
ភ្នំពេញៈនៅវេលាម៉ោង២រសៀលថ្ងៃទី១៧ខែកញ្ញាឆ្នាំ២០១៨ខាងមុខនេះក្រុមប្រឹក្សាជំនុំជម្រះសាលាឧទ្ធរណ៍នឹងបើកសវនាការលើសំណុំរឿងលោកកឹម សុខាក្បត់ជាតិ។
លោក អ៊ឹម សុផាន ព្រះរាជអាជ្ញាអមសាលាឧទ្ធរណ៍បានចេញសេចក្ដីជូនដំណឹងកាលពីថ្ងៃទី ៧ខែកញ្ញា ឆ្នាំ២០១៨ថា តបតាមវត្ថុសំណើសុំឱ្យនាំជនត្រូវចោទកឹមសុខាមកសវនាការលើសំណុំរឿង របស់សាលាដំបូងរាជធានីភ្នំពេញពីបទសន្ធិដ្ឋិភាពជាមួយបរទេស ប្រព្រឹត្តនៅប្រទេសកម្ពុជា និងទីកន្លែងផ្សេងទៀតកាលពីអំឡុងឆ្នាំ១៩៩៣ ដល់ថ្ងៃទី ៣ខែកញ្ញាឆ្នាំ២០១៧។ បទល្មើសព្រហ្មទណ្ឌដែលមានចែងអោយផ្ដន្ទាទោសតាមបញ្ញត្តិមាត្រា ៤៤៣ នៃក្រមព្រហ្មទណ្ឌ ។
តាមដីកានេះបានឱ្យលោកកឹមសុខាជាជនត្រូវចោទត្រូវមកសាលាឧទ្ធរណ៍នៅពេលបើកសវនាការជំនុំជំរះនៅថ្ងៃទី១៧កញ្ញាឆ្នាំ២០១៨វេលាម៉ោង២រសៀលនៅបន្ទប់សវនាការទី៣ដោយមានក្រុមប្រឹក្សាចំនួន៣រូប គឺ លោកឃុន លាងម៉េង ជាប្រធានក្រុមប្រឹក្សា លោកចៅក្រម យូប៊ុណ្ណានិងលោកចៅក្រមសួស សំអាតជាចៅក្រមប្រឹក្សា ។
ពេលបញ្ចប់សវនាការត្រូវនាំជនត្រូវចោទត្រឡប់ទៅពន្ធនាគារវិញដើម្បីបន្តអនុវត្តសេចក្ដីសម្រេចរបស់តុលាការពីមុនមក បើគ្មានសេចក្ដីសម្រេចថ្មីទៀត ។គួវបញ្ជាក់ថាលោក កឹម សុខា ត្រូវបានលោកគី រិទ្ធីចៅក្រមស៊ើបសួរសាលាដំបូងរាជធានីភ្នំពេញ សម្រេចអោយនៅក្រៅឃុំបណ្ដោះអាសន្នកាលពីថ្ងៃទី ១០កញ្ញាឆ្នាំ២០១៨ពោលគឺនៅក្រោយពេលដែលលោកអ៊ឹមសុផានព្រះរាជអាជ្ញាអមសាលាឧទ្ធរណ៍បានចេញសេចក្ដីជូនដំណឹងនេះ។
បច្ចុប្បន្ននេះលោកកឹម សុខាស្នាក់នៅផ្ទះលេខ ៩៧ ផ្លូវលេខ៣១៣ សង្កាត់បឹងកក់២ ខណ្ឌទួលគោក ដោយចៅក្រមស៊ើបសួរបានកំហិតមិនអោយជនត្រូវចោទដើររហេតរហូតជួបភ្ញៀវបរទេសមានការពាក់ព័ន្ធ ឬជួបសកម្មជនធ្វើសកម្មភាពនយោបាយផ្សេងៗឡើយ ៕
សាលាឧទ្ធរណ៍បើកសវនាការសំណុំរឿងលោកកឹមសុខាក្បត់ជាតិនៅថ្ងៃទី១៧ខែកញ្ញាខាងមុខ
Voice Of Countryside
5.0
stars based on
35
reviews
Credited: រស្មីកម្ពុជា: ភ្នំពេញៈនៅវេលាម៉ោង២រសៀលថ្ងៃទី១៧ខែកញ្ញាឆ្នាំ២០១៨ខាងមុខនេះក្រុមប្រឹក្សាជំនុំជម្រះសាលាឧទ្ធរណ៍នឹងបើកសវន...
0 comments