កម្ពុជា-ចិន សម្រេចបានលទ្ធផល ដ៏ត្រចះត្រចង់លើគ្រប់វិស័យ

នៅថ្ងៃទី២៤ ខែកញ្ញា ឆ្នាំ២០១៨នេះ លោកនាយករដ្ឋមន្ត្រី ហ៊ុន សែន បានទទួលជួបពិភាក្សាការងារជាមួយ លោក ស្យង់ ព័រ (Xiong Bo) ឯកអគ្គរដ្ឋទូតនៃសាធារ ណៈរដ្ឋបរជាមានិតចិន ប្រចាំនៅកម្ពុជាដើម្បីសម្តែងការគួរសម និងជម្រាបលាមុននឹងលោកត្រូវចប់អាណត្តិជាឯកអគ្គរដ្ឋទូតរយៈពេល២ឆ្នាំ ក្នុងប្រទេសកម្ពុជា។ ក្នុងជំនួបនោះ លោក Xiong Bo បានថ្លែងអំណរគុណ ចំពោះលោកនាយករដ្ឋមន្ត្រីយ៉ាងជ្រាលជ្រៅជាទីបំផុត ដែលបានគាំទ្រក្នុងកិច្ចការងាររបស់លោកនៅក្នុងឱកាសដែលលោកបំពេញបេសកម្មការទូតនៅកម្ពុជា។ លោកបានមានប្រសាសន៍ថា ក្នុងរយៈពេលពីរឆ្នាំកន្លងមកនេះ លោកបានធ្វើកិច្ចការងារច្រើន ពិសេសជួយសម្រប​សម្រួ​លក្នុងដំណើរទស្សនកិច្ច លោកប្រធានាធិបតី Xi jinping និងលោកនាយករដ្ឋមន្ត្រីចិន Li Keqiang មក​កាន់ប្រទេសកម្ពុជា និងការសម្របសម្រួលក្នុងដំណើរទស្សនកិច្ចរបស់លោកនាយករដ្ឋមន្រ្តីទៅកាន់ប្រទេសចិនផងដែរ។ លោក Xiong Bo បានជម្រាបផងដែរថា ក្នុងរយៈ​ពេល ២ឆ្នាំមកនេះ គឺលោកបានយកចិត្តទុកដាក់ខ្លាំងនៅក្នុងការជំរុញការអភិវឌ្ឍសេដ្ឋកិច្ច នយោបាយខ្សែក្រវ៉ាត់ ១និងផ្លូវ១ និងកិច្ចសហប្រតិបត្តិការជាច្រើនទៀត ដែលក្នុងនោះគឺទទួលនូវលទ្ធផលដ៏ត្រចះត្រចង់ ដើម្បីពង្រឹង និងពង្រីកកិច្ចសហប្រតិបត្តិការ និងទំនាក់ទំនងយ៉ាងរឹងមាំរវាងកម្ពុជា និងចិន។ ជាការឆ្លើយតបលោកនាយករដ្ឋមន្ត្រី ហ៊ុន សែន បានថ្លែងអំណរគុណយ៉ាងជ្រាលជ្រៅ ជាទីបំផុតចំពោះលោក Xiong Bo ដែលបានខិតខំប្រឹងប្រែងអស់ពីកម្លាំងកាយចិត្ត ធ្វើឲ្យទំនាក់ទំនងរវាងកម្ពុជា និងចិន បានរីកចម្រើនដល់កម្រិតខ្លាំងឡើងបន្ថែមទៀត។ លោក បានបន្តថា ទំនាក់ទំនងរវាងប្រទេសយើងទាំងពីរ គឺឈានដល់ចំណុចទីមួយ គឺកិច្ចសហប្រតិបត្តិការភាពជាដៃគូរជ្រុង ជ្រោយ ហើយថ្មីៗនេះ ប្រធានាធិបតីចិន Xi jinping បានមានប្រសាសន៍ថា កម្ពុជា និងចិន គឺជាមិត្តដែកថែប ដែលកសាងឡើង ដោយភាពស្មោះត្រង់រវាង មិត្តនិងមិត្ត។ លោកនាយករដ្ឋមន្ត្រី​ ហ៊ុន សែន ក៏បានថ្លែងអំណរគុណជូនចំពោះប្រជាជន រដ្ឋាភិបាលចិនផងដែរ ដែលតែងតែគាំទ្រដល់កម្ពុជា រហូតមក និងសូមជូនពរឲ្យលោក Xiong Bo ទទួលបាននូវភាពជោគជ័យនៃបេសកម្មរបស់លោកជាបន្តបន្ទាប់ទៀតនាពេលពេលខាងមុខ៕