ព្រឹកស្អែកនេះ លោកនាយករដ្ឋមន្រ្តី ហ៊ុន សែន នឹងបន្តចុះសំណេះសំណាលជាមួយកម្មករ កម្មការិនីជិត ៣ម៉ឺននាក់ នៅខេត្តកំពង់ស្ពឺ

បន្ទាប់ពីការបង្កើតរាជរដ្ឋាភិបាលថ្មីរួចរាល់ ទោះបីមានការងារជាច្រើនទាំងក្នុង និងក្រៅប្រទេសក៏ដោយ លោកនាយករដ្ឋមន្ត្រី ហ៊ុន សែន នៅតែបន្តការចុះជួបសំណេះសំណាលជាមួយកម្មករ កម្មការិនីមកពីតាមបណ្តារោងចក្រនានាជាបន្តបន្ទាប់។ នៅថ្ងៃទី១៩ ខែកញ្ញា ឆ្នាំ២០១៨ស្អែកនេះ លោកនាយករដ្ឋមន្រ្តី ហ៊ុន សែន នឹងបន្តអញ្ជើញជួបសំណេះសំណាលជាមួយកម្មករ កម្មការិនីសរុបប្រមាណ ២៧,៤៤៤នាក់ មកពីរោងចក្រ សហគ្រាស ចំនួន ២៤ នៅក្នុងខេត្តកំពង់ស្ពឺ។ កិច្ចសំណេះសំណាលនេះនឹងធ្វើឡើងនៅភូមិស្វាយទាប ឃុំអង្គពពេល ស្រុកគងពិសី ខេត្តកំពង់ស្ពឺ៕