ប្រតិភូសាស្ត្រាចារ្យជប៉ុន ដឹកនាំក្រុមនិស្សិតណាហ្គូយ៉ា ចុះសិក្សាស្រាវជ្រាវលើវិស័យសេដ្ឋកិច្ច អប់រំ និងអភិបាលកិច្ចលើការគ្រប់គ្រងសំណល់រឹង

កំពង់ឆ្នាំង៖ នៅថ្ងៃទី១៨ ខែកញ្ញា ឆ្នាំ២០១៨ លោក ហ៊ី ណាត អភិបាលរង​ខេត្តកំពង់ឆ្នាំង បានទទួលជួបស្វាគមន៍ប្រតិភូសាស្ត្រាចារ្យ និងនិស្សិតនៃសាកលវិទ្យាល័យណាហ្គូយ៉ា ប្រទេសជប៉ុន ដឹកនាំដោយលោកសាស្ត្រាចារ្យ Higashi​​mura Takeshi ចុះមកសិក្សាស្រាវជ្រាវលើវិស័យសេដ្ឋកិច្ច អប់រំ និងអភិបាលកិច្ចលើការគ្រប់គ្រងសំណល់រឹង។ ការស្រាវជ្រាវគឺជាផ្នែកនៃកម្មវិធី Oversea Field Work របស់ក្រុមនិស្សិតណាហ្គូយ៉ា​ ដែលនឹងចុះអនុវត្តជាក់ស្ដែងស្ថិតនៅក្នុងឃុំខុនរ៉ង ស្រុកបរិបូណ៌ និងនៅក្រុងកំពង់ឆ្នាំង។ ក្នុងនោះផងដែរ ក៏មានការចូលរួមពីលោក​នាយក​​​​រដ្ឋបាល ទីចាត់ការសាលា​ខេត្ត មន្ទីរ និងអាជ្ញាធរពាក់ព័ន្ធ និងមាន​ការជួយសម្របសម្រួលពីសាស្ត្រាចារ្យសាកលវិទ្យាល័យភូមិន្ទភ្នំពេញផងដែរ៕