ភ្នំពេញៈឧត្តមសេនីយ៍ឯក កើត ប៉ូលីន អគ្គនាយករង នៃអគ្គនាយកដ្ឋានសម្ភារបច្ចេកទេស នៃក្រសួងការពារជាតិ ដែលស្ត្រីខ្មែរម្នាក់នៅអាម៉េរិកចោទប្រកាន់ថា បានបោកប្រាស់គាត់រហូតអស់ទឹកប្រាក់ជាងបីម៉ឺនដុល្លារ បានចូលខ្លួនទៅឆ្លើយបំភ្លឺនៅទីបញ្ជាការដ្ឋានកងរាជអាវុធហត្ថរាជធានីភ្នំពេញកាលពីថ្ងៃទី២៩ ខែសីហា ឆ្នាំ២០១៨។ ការចូលខ្លួនទៅដោះស្រាយនេះ គឺបន្ទាប់ពីស្ត្រីរូបនោះបានដាក់ពាក្យបណ្តឹងប្តឹងនៅប៉េអឹមរាជធានីភ្នំពេញ ។
ស្ត្រីដែលដាក់ពាក្យប្តឹងឧត្តមសេនីយ៍កើត ប៉ូលីន គឺឈ្មោះ គឹម យូនងួន (គណនីហ្វេសប៊ុកឈ្មោះ Vanny Heng) រស់នៅសហរដ្ឋអាម៉េរិក។
ទាក់ទងករណីនេះឧត្តមសេនីយ៍ឯក កើត ប៉ូលីន បានយល់ព្រមសងលុយទៅស្ត្រីម្នាក់នោះ និងបានទទួលស្គាល់កំហុសរបស់ខ្លួន។
អ្នកស្រី គឹម យូនងួន បានថ្លែងតាមបណ្តាញសង្គមហ្វេសប៊ុក ថា ចំពោះករណីនេះ អ្នកស្រីបានដាក់ពាក្យប្តឹងនៅប៉េអឹមរាជធានីភ្នំពេញ ហើយលោកឧត្តមសេនីយ៍ឯក កើត ប៉ូលីន បានចេញមុខមកដោះស្រាជាមួយអ្នកស្រី ហើយរឿងទាំងប៉ុន្មានដែលគាត់បានធ្វើ គាត់សុំទោសអ្នកស្រីរឿងគំរាមសម្លាប់ និងរឿងឆបោកកុហក់អ្នកស្រី។ ហើយគាត់បានសងសំណងចំនួន ៨០០០ដុល្លារ។ “… គាត់បានសុំទោសខ្ញុំហើយ ហើយគាត់បានសន្យានៅកន្លែងប៉េអឹមថា អត់មានគំរាម និងគុំកួនធ្វើបាបនាងខ្ញុំទេ ហើយគាត់ធ្វើលិខិតមួយសុំទោសផងដែរ។ ហើយគាត់សុំសងត្រឹម ៨០០០ដុល្លារបានហើយ។ …នាងខ្ញុំលើកលែង និងអនុគ្រោះដល់គាត់ដែរ។ រឿងនេះ បានសម្របសម្រួលគ្នាចប់ហើយ”។
ចំណែកឧត្តមសេនីយ៍ឯក កើត ប៉ូលីន មិនអាចសុំការអត្ថាធិប្បាយបានទេ ដោយទូរស័ព្ទចូលជាច្រើនដង មិនមានអ្នកទទួល។
សូមជម្រាបថាឧត្តមសេនីយ៍ឯក កើត ប៉ូលីន ត្រូវបានស្ត្រីម្នាក់លាតត្រដាងផ្អើលពេញហ្វេសប៊ុក និងរងការរិះគន់យ៉ាងចាស់ដៃ។ ដោយនៅក្នុងវីដេអូឃ្លីប ស្ត្រីម្នាក់នោះ បាននិយាយរៀបរាប់អំពីដំណើររឿងលោកផ្កាយបីបោកប្រាស់យកលុយ និងរហូតឈានដល់ការគំរាមសម្លាប់ថែមទៀតផង។ តាមរយៈភស្តុតាងជាឯកសារវេលុយពីអាមេរិកមកឱ្យលោកផ្កាយ៣ កើត ប៉ូលីន និង តាមរយៈសារឆ្លើយឆ្លងគ្នារវាងលោកផ្កាយ៣ កើត ប៉ូលីន ជាមួយនារីរងគ្រោះ លោកផ្កាយ ៣ កើត ប៉ូលីន គឺពិតជាមានឈ្មោះលោកផ្កាយ ៣ កើត ប៉ូលីន ទទួលលុយ និង មានឆាតគំរាមនារីរងគ្រោះពិតប្រាកដមែន៕
បញ្ចប់រឿងជាមួយស្ត្រីខ្មែរនៅអាម៉េរិកៈលោកផ្កាយបីកើត ប៉ូលីន ចូលខ្លួនទៅដោះស្រាយនៅប៉េអឹមក្រុង
Voice Of Countryside
5.0
stars based on
35
reviews
ភ្នំពេញៈឧត្តមសេនីយ៍ឯក កើត ប៉ូលីន អគ្គនាយករង នៃអគ្គនាយកដ្ឋានសម្ភារបច្ចេកទេស នៃក្រសួងការពារជាតិ ដែលស្ត្រីខ្មែរម្នាក់នៅអាម៉េរិក...
0 comments