ស្ត្រី​ម្នាក់​ចងក​សម្លាប់ខ្លួន​ព្រោះ​មានទំនាស់​ជាមួយ​ប្តី ដោយ​បន្សល់ទុក​នូវ​សំបុត្រ​ជាច្រើន​សន្លឹក​

Credited: រស្មីកម្ពុជា : ស្វាយរៀង​: ស្ត្រី​ម្នាក់​មាន​វិបត្តិ​ក្នុង​គ្រួសារ បាន​សម្រេចចិត្ត​ធ្វើអត្តឃាត​ចងក​សម្លាប់ខ្លួន​។ ករណីនេះ បានកើត​ឡើង​នៅ​កាលពី​វេលា​ម៉ោង​៦​និង​៣០​នាទី​ល្ងាច ថ្ងៃទី​៤​ខែសីហា​ឆ្នាំ​២០១៨ ស្ថិតនៅ​ក្នុងភូមិ​សា​ម៉ ឃុំ​ស្វាយ​រំពា ស្រុក​ស្វាយទាប ខេត្តស្វាយរៀង​។​ ​សមត្ថកិច្ច​នគរបាល​ប៉ុស្តិ៍​រដ្ឋបាល​ឃុំ​ស្វាយ​រំពារ បាន​ឲ្យ​ដឹងថា អត្តឃាត​ជន​ឈ្មោះ យឹម សេ​ដា ភេទ​ស្រី អាយុ​៣៩​ឆ្នាំ មុខរបរ​ធ្វើស្រែ រស់នៅ​ភូមិ​ន​ឃុំ​កើតហេតុ​ខាងលើ​។ អត្តឃាត​ជន​បាន​ប្រើប្រាស់​ក្រមា​ចងក​ទៅនឹង​ផ្ទោង​ក្នុង​ជង្រុក​ស្រូវ​ខាងក្រោយ​ផ្ទះ ចំងាយ​៣​ម៉ែត្រ បណ្ដាល​ឲ្យ​ស្លាប់​។ ប្រភព​បញ្ជាក់ថា មូលហេតុ​បណ្តាលមកពី​មានទំនាស់​ជាមួយ​ប្ដី ក៏​សម្លាប់​ខ្លួនឯង​តែម្ដង​។​ ​ប្រភព​បាន​បន្តទៀតថា តាម​ការសន្និដ្ឋាន​រប​ស់​សមត្ថកិច្ច​ជំនាញ ជនរងគ្រោះ​ពិតជា​បាន​ចងក​សម្លាប់​ខ្លួនឯង​ពិតប្រាកដ​មែន​។ ក្រោយពី​បាន​ចងក​សម្លាប់​ខ្លួនឯង​ហើយ បាន​បន្សល់ទុក​នូវ​សំបុត្រ​ជាច្រើន​សន្លឹក ដោយបាន​បង្កប់​អត្ថន័យ​តូច​ចិត្តនឹង​គ្រួសារ ដែលមាន​ជម្លោះ​ស្ទើរ​រាល់ថ្ងៃ ពុំដែល​មាន​ក្តី​សុខ​ឡើយ​៕