ពិធីសំណេះសំណាល​និង​បញ្ចូល​សមាជិក​ សមាជិកាយុវជនគណបក្សប្រជាជនកម្ពុជាខេត្តពោធិ៍សាត់

ពោធិ៍សាត់៖ នៅថ្ងៃសៅរ៍ទី២៣ ខែមិថុនា ឆ្នាំ២០១៨​ នៅទីស្នាក់ការគណបក្សអូរចំបក់​ ភូមិ​សាលាគំរូ​ សង្កាត់​ព្រៃ​ញី​ ក្រុងពោធិ៍សាត់​​ខេត្តពោធិ៍សាត់​ លោក ហ៊ុន ម៉ាណែត អមដំណើរ​ដោយ​លោក​ ស៊ុយ​ សែម​ រដ្ឋមន្ត្រីរ៉ែ និងថាមពល លោក​ ម៉ៅ​ ធនិន​ អភិបាលខេត្តពោធិ៍សាត់ រួមទាំងលោក លោកស្រី បានអញ្ជើញជាគណៈអធិបតី​ក្នុងពិធីជួបសំណេះសំណាល​ជាមួយ​សកម្មជន យុវជន និង​បញ្ចូល​សមាជិក​ សមាជិកាយុវជនគណបក្សប្រជាជនកម្ពុជា ជាង១.០០០នាក់​។ លោក ហ៊ុន ម៉ាណែត ក៏បានធ្វើការផ្តាំផ្ញើដល់យុវជនជំនាន់ក្រោយទាំងអស់អោយខិតខំពង្រឹងនិងការពា​រប្រទេសអោយមានសន្តិភាព និងជួយបំផុសដល់ប្រជា​ពលរដ្ឋអោយយល់ពីតម្លៃរបស់ជាតិខ្លួនថែមទៀតព្រោះយុវជនគឺជាកម្លាំងស្នូលរបស់ប្រទេស ជាកម្លាំងស្នូលដែលអាចបន្តការដឹកនាំប្រទេសជាតិទៅមុខបន្តទៅទៀត៕