យន្តហោះ​ចម្បាំង​ជាច្រើន​និង​នាវា​ផ្ទុក​យន្តហោះ​របស់​អាមេរិក ត្រូវបាន​បញ្ជូនទៅ​សមុទ្រ​កូរ៉េ​សម្រាប់​​ជំនួប ត្រាំ – គីម

Credited: រស្មីកម្ពុជា ​កង​នាវា ដោយ​រួមទាំង​នាវា​ផ្ទុក​យន្តហោះ​Ronald Reagan និង​យន្តហោះ​ចម្បាំង​ចំនួន​១៤​គ្រឿង នឹងធ្វើ​ការ​ល្បាត​នៅ​តំបន់​នៃ​ឧបទ្វីប​កូរ៉េ​នេះ សម្រាប់​រយៈពេល​មួយ​​ខែ​។ នេះ​អាចជា​ការដាក់​ការដាក់​គំនាប​ផែ្ន​ក​យោធា​បន្ថែមទៀត​ទៅលើ​កូរ៉េខាងជើង ក្នុងអំឡុង​កិច្ច​ជំនួប​កំពូល​ជា​ប្រវត្តិសាស្ត្រ​អាមេរិក​-​កូរ៉េខាងជើង​នៅ​សិង្ហ​បុរី​ថ្ងៃទី​១២​ខែមិថុនា​។​នេះ​បើ​យោងតាម​បណ្តាញ​សារ​ព័ត​មាន​ជប៉ុន​។​ ​បើ​យោងតាម​សារព័ត៌មាន​Kyodo News កងទ័ព​អាមេរិក បានចាប់ផ្តើម​បញ្ជូន​កង​យន្តហោះ​ចម្បាំង​បំបាំងកាយ​F-22 Raptor ចំនួន​១៤​គ្រឿង​នេះ ទៅ​មូលដ្ឋាន​​កងទ័ពអាកាស​Kadena របស់ខ្លួន​នៅ​Okinawa ប្រទេស​ជប៉ុន ។​ ​សារព័ត៌មាន​នេះ បាន​និយាយថា កង​យន្តហោះ​នេះ នឹង​ស្ថិតនៅ​មូលដ្ឋាន​កងទ័ពអាកាស​នេះ សម្រាប់​រយៈពេល​មួយខែ​។​ ​កង​នាវា ដោយ​រួមទាំង​នាវា​ផ្ទុក​យន្តហោះ​Ronald Reagan ដ៏​ធំ​បំផុត​នៅលើ​ពិភពលោក​នេះ ត្រូវបាន​បញ្ជូនទៅ​ឧបទ្វីប​កូរ៉េ​សម្រាប់​ការធ្វើ​ល្បាត​។ ​កាលពី​ឆ្នាំមុន នាវា​Ronald Reagan ដែល​អាច​ផ្ទុក​យន្តហោះ​ជិត​៩០​គ្រឿង​នេះ បាន​ចូលរួម​ការធ្វើ​សមយុទ្ធ​យោធា​នៅ​តំបន់​នោះ ដែលជា​ការឆ្លើយតបរ​បស់​​សហរដ្ឋអាមេរិក​ទៅនឹង​សកម្មភាព​នុយក្លេអ៊ែរ​កូរ៉េខាងជើង​៕