គ.ជ.ប រៀបចំប្រឡងជ្រើសរើសសមាសភាពគណៈកម្មការឃុំ-សង្កាត់រៀបចំការបោះឆ្នោត១៦៤៦ ឃុំ-សង្កាត់

នៅថ្ងៃទី១៩ ខែឧសភា ឆ្នាំ២០១៨នេះ នៅទូទាំងប្រទេស គណៈកម្មាធិការជាតិរៀបចំការបោះឆ្នោត (គ.ជ.ប) បានរៀបចំប្រឡងជ្រើសរើសសមាសភាពគណៈកម្មការឃុំ សង្កាត់រៀបចំការបោះឆ្នោត ក្នុង ១៦៤៦ ឃុំ-សង្កាត់ ដែលមានចំនួន ៨៣៣៨នាក់។ លោក ស៊ិក ប៊ុនហុក ប្រធាន គ.ជ.ប បានចុះត្រួតពិនិត្យនៅរាជធានីភ្នំពេញ លោក ហែល សារ៉ាត់ សមាជិក គ.ជ.ប នៅកំពង់ស្ពឺ និង លោក ឌឹម សុវណ្ណារុំ សមាជិក និងអ្នកនាំពាក្យ គ.ជ.ប នៅខេត្តព្រៃវែង ព្រមទាំងត្រួតពិនិត្យសម្ភារបោះឆ្នោតផងដែរ។ សមាជិក និងមន្ត្រីអគ្គលេខាធិការដ្ឋានដទៃទៀត បានចុះនៅខេត្តដទៃទៀតទាំង ២៥ខេត្ត-រាជធានី៕