Home ព័ត៍មានជាតិ អំពើហិង្សា គំនុំឆ្កែខាំប្អូននាំគ្នាចូលកាប់ដល់ក្នុងផ្ទះ បណ្តាលឲ្យរបួស២នាក់៖ បញ្ជូនមនុស្ស៥នាក់មកតុលាការ

Wednesday, May 23, 2018

គំនុំឆ្កែខាំប្អូននាំគ្នាចូលកាប់ដល់ក្នុងផ្ទះ បណ្តាលឲ្យរបួស២នាក់៖ បញ្ជូនមនុស្ស៥នាក់មកតុលាការ

Credited: រស្មីកម្ពុជា ភ្នំពេញ: មនុស្ស៥នាក់ក្នុងចំណោមមនុស្ស១០នាក់ ប្រដាប់ដោយដាវ បំពង់ទីប ចូលកាប់បុរស២នាក់ ឪពុក និងកូន ដែលយល់ច្រឡំថា ជាម្ចាស់ឆ្កែ ដល់ក្នុងផ្ទះបណ្តាលឱ្យរងរបួសធ្ងន់ បានត្រូវនគរបាលខណ្ឌធិ៍សែនជ័យបញ្ជូនមកអយ្យការអមសាលាដំបូងរាជធានីភ្នំពេញ នៅព្រឹកថ្ងៃទី២៣ខែឧសភា ដើម្បីចាត់ការតាមច្បាប់ ដោយភ្ជាប់ការចោទប្រកាន់ពីបទហិង្សាដោយចេតនាមានស្ថានទម្ងន់ទោស។ រហូតមកដល់រសៀលថ្ងៃដដែល លោក ងិន ពេជ ព្រះរាជអាជ្ញារងអមសាលាដំបូងរាជធានីភ្នំពេញ កំពុងធ្វើការសាកសួរ។ ករណីហិង្សានេះ បានកើតឡើងកាលពីយប់ថ្ងៃទី១៩ ខែឧសភា ឆ្នាំ២០១៨ម្សិលមិញ នៅចំណុចក្នុងផ្ទះជនរងគ្រោះ ស្ថិតនៅភូមិជម្ពូវ័ន២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ មនុស្សទាំង៥នាក់នោះរួមមានទី១៖ ឈ្មោះ ថាញ់ ញ៉ ភេទប្រុស អាយុ១៨ឆ្នាំ មុខរបរនៅផ្ទះ, ទី២៖ ឈ្មោះ គីម ជី ភេទប្រុស អាយុ២៥ឆ្នាំ មុខរបរលក់បុកល្ហុង, ទី៣៖ ឈ្មោះ សេង កាត់ ភេទប្រុស អាយុ២៩ឆ្នាំ មុខរបរលក់ប្រហិត ទី៤៖ ឈ្មោះ សេង ស៊ីថន ភេទប្រុស អាយុ២៨ឆ្នាំ មុខរបរលក់បបរ និងទី៥៖ ឈ្មោះ គីម យី ភេទប្រុស អាយុ២១ឆ្នាំ មុខរបរលក់បុកល្ហុង។ មនុស្សទាំង៥នាក់នេះស្នាក់នៅផ្ទះជួលភូមិព្រៃព្រីងខាងជើង សង្កាត់ចោមចៅទី៣ ខណ្ឌពោធិ៍សែនជ័យ។ ចំណែកជនរងគ្រោះឈ្មោះ អ៊ឹម ចាន់ថន ភេទប្រុស អាយុ៤៨ឆ្នាំ មុខរបរបើកបររថយន្តរបួសដៃខាងស្តាំ៣កន្លែង រយះម្រាមដៃឆ្វេង និងកូនឈ្មោះ អ៊ឹម ផានិត ភេទប្រុស អាយុ២២ឆ្នាំ មុខរបរនិស្សិត របួសដាច់ថ្ពាល់ខាងឆ្វេងស្មាស្តាំ ប្រអប់ដៃខាងឆ្វេងដៃខាងស្តាំ២កន្លែង កំពុងសម្រាកព្យាបាលនៅក្លីនិកឡាំប៊ុនថន។ មន្ត្រីនគរបាលខណ្ឌពោធិ៍សែនជ័យ បានឱ្យដឹងថា កាលពី២ថ្ងៃមុនប្អូនរបស់បក្ខពួកក្រុមជនដៃដល់បានរត់លេងនៅមុខផ្ទះរបស់ជនរងគ្រោះពេលនោះក៏ត្រូវឆ្កែមួយក្បាល បានស្ទុះទៅខាំក្មេងនោះ។ បន្ទាប់មកក្រុមជនដៃដល់បានទៅសួរនាំជនរងគ្រោះថាឱ្យមើលឆ្កែផង។ ប៉ុន្តែជនរងគ្រោះបានឆ្លើយតបទៅវិញថាឆ្កែនោះ មិនមែនជាឆ្កែរបស់ខ្លូនទេ។ ពេលនោះភាគីទាំង២ ក៏បានឈ្លោះប្រកែកគ្នាមួយស្របក់។ បន្ទាប់មកនោះម្តាយក្មេងរបស់ភាគី ខាងរងគ្រោះបានឆ្លើយថា កុំឱ្យពិបាកចាំខ្ញុំចេញថ្លៃព្យាបាលឱ្យ។ តែក្រុមជនបង្ក បានឆ្លើយថា មិនបាច់យកលុយទេ លេងចង់បានលុយហើយ។ លុះមកដល់ម៉ោងថ្ងៃកើតហេតុ ខណៈដែលជនរងគ្រោះកំពុងមើលទូរទស្សន៍ ស្រាប់តែក្រុមជនបង្កបានហៅបក្ខពួកគ្នាជិត១០នាក់ ចូលទៅកាប់ជនរងគ្រោះទាំង២នាក់ ឪពុក និងកូនបណ្តាលឱ្យរងរបួសធ្ងន់តែម្តង។ ភ្លាមៗនោះ ក្រុមជនបង្កត្រូវនគរបានតាមចាប់បានជាបន្តបន្ទាប់បានចំនួន៥នាក់ និងដកហូតបានវត្ថុតាងមួយចំនួនរួមមាន៖ កាំបិតប៉័ងតោ១ដើម, ដាវ១មួយដើម ដែកទីបមូល១ដើម, ម៉ូតូជាប់រទេះសម្រាប់អូសលក់ ដូរ១គ្រឿងទុកជាភស្តុតាង៕

គំនុំឆ្កែខាំប្អូននាំគ្នាចូលកាប់ដល់ក្នុងផ្ទះ បណ្តាលឲ្យរបួស២នាក់៖ បញ្ជូនមនុស្ស៥នាក់មកតុលាការ Voice Of Countryside 2018-05-23T22:55:00+07:00 5.0 stars based on 35 reviews Credited: រស្មីកម្ពុជា ភ្នំពេញ: មនុស្ស៥នាក់ក្នុងចំណោមមនុស្ស១០នាក់ ប្រដាប់ដោយដាវ បំពង់ទីប ចូលកាប់បុរស២នាក់ ឪពុក និងកូន ដែលយល...