រថយន្ត​តាក់ស៊ី​បើក​លឿង​ផ្ទុះ​កង់​ក្រឡាប់​ស្លាប់​បីនាក់​លើផ្លូវ​ជាតិ​លេខ​៩​ខេត្តស្ទឹងត្រែង​

Credited: រស្មីកម្ពុជា ស្ទឹងត្រែងៈ រថយន្ត​តាក់ស៊ី​ស៊េរី​ទំនើប​មួយគ្រឿង បាន​ក្រឡាប់​ធ្លាក់​ពីលើ​ផ្លូវជាតិ​លេខ​៩ ស្ថិត​ក្នុងភូមិ​ឆ្វាំង​ឃុំ​សំអាង​ស្រុក​ថា​ឡា​បរិ​វ៉ា​ត់​ខេត្តស្ទឹងត្រែង​ជាច្រើន​ត្រឡប់ ទៅបុក​រោង​ក្បែរ​ផ្ទះ​ប្រជាពលរដ្ឋ​មួយកន្លែង បណ្តាលឱ្យមាន​មនុស្ស​ស្លាប់​រហូតដល់​ទៅ​បីនាក់​។ ចំណែក​ផ្សេងទៀត​រងរបួស​ធ្ងន់ និង​ស្រាល ដោយហេតុ​ការណ៍​នោះ បាន​កើតឡើង​កាលពី​រសៀល​ថ្ងៃទី​១២ ខែឧសភា ឆ្នាំ​២០១៨​។​ ​ប៉ូលិស​បាន​និយាយថា រថយន្ត​តាក់ស៊ី​បានធ្វើ​ដំណើរ​ពី​ខេត្តព្រះវិហារ មក​ខេត្តស្ទឹងត្រែង និង​បន្ត​ទៅកាន់​ខេត្តរតនគិរី​។ ប៉ុន្តែ ទំនងជា​បើក​ក្នុង​ល្បឿន​លឿង​មកដល់​ចំណុចកើតហេតុ​ខាងលើ ក៏​ក្រឡាប់​បណ្តាលឱ្យមាន​មនុស្ស​ស្លាប់​ចំនួន​៣​នាក់​។ ភ្លាមៗ​នោះ អ្នករងគ្រោះ​របួស​ត្រូវ​បាន​បញ្ជូន​ទៅកាន់​មន្ទីរពេទ្យបង្អែក​ខេត្តស្ទឹងត្រែង ដែលមាន​ចម្ងាយ​ប្រហែល​៤០​គីឡូម៉ែត្រ​ពី​ក្រុង​ស្ទឹងត្រែង​។ គេ​នៅ​មិនទាន់​ដឹងថា ជន​ដែល​ស្លាប់មាន​អត្តសញ្ញាណ​នៅឡើយ​ទេ​។ សមត្ថកិច្ច​កំពុងធ្វើការ​ងារ​នេះ​៕