លោកនាយករដ្ឋមន្ត្រី ហ៊ុន សែន លើកឡើងថា ទោះបីកម្ពុជាស្ថិតក្នុងស្ថានភាពបែបណាក៏ដោយ ក៏លោកនៅជាមួយបងប្អូនប្រជាពលរដ្ឋខ្មែរជានិច្ច

តាមការបង្ហោះផ្សាយលើផេក Facebook របស់លោកនាយករដ្ឋមន្ត្រី ហ៊ុន សែន ដែលមានឈ្មោះថា Samdech Hun Sen, Cambodian Prime Minister នៅថ្ងៃទី០៥ ខែឧសភា ឆ្នាំ២០១៨នេះ លោកនាយករដ្ឋមន្ត្រី បានបញ្ជាក់ថា តាមរយៈរូបថត១សន្លឹកនេះ គឺបានបញ្ជាក់ច្បាស់ថា កម្ពុជាពីមុនយ៉ាងណ ហើយកម្ពុជាសព្វថ្ងៃរីកចម្រើនយ៉ាងណា។ លោកនាយករដ្ឋមន្ត្រី បានបញ្ជាក់ទៀតថា ទោះបីកម្ពុជាស្ថិតក្នុងស្ថានភាពបែបណាក៏ដោយ ក៏លោកនៅជាមួយបងប្អូនប្រជាពលរដ្ឋខ្មែរជានិច្ច។ លើសពីនោះ លោកនាយករដ្ឋមន្ត្រី ក៏បានអរគុណភរិយាជាទីស្រឡាញ់ និងអរគុណបងប្អូនជនរួមជាតិ ដែលមានជំនឿលើការដឹកនាំរបស់លោក ហើយនៅតែបន្តគាំទ្រ និងបោះឆ្នោតអោយ គណបក្សប្រជាជនកម្ពុជា។ បន្ថែមពីនោះ លោកក៏បានជូនពរបងប្អូនប្រជាពលរដ្ឋបានសប្បាយរីករាយថ្ងៃសៅរ៍ និងធ្វើដំណើរកំសាន្តជិតឆ្ងាយមានសុខសុវត្ថិភាពគ្រប់ៗគ្នាផងដែរ៕