កងទ័ពមិនមែនជាចៅហ្វាយពលរដ្ឋទេ កងទ័ពជាខ្ញុំបម្រើដ៏ស្មោះត្រង់របស់ពលរដ្ឋ

ភ្នំពេញៈ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានមានប្រសាសន៍ថា "កងទ័ពមិនមែនជាចៅហ្វាយរបស់ប្រជាពលរដ្ឋនោះទេ ប៉ុន្តែកងទ័ពជាខ្ញុំបម្រើដ៏ស្មោះត្រង់របស់ប្រជាពលរដ្ឋ"។ កងទ័ពត្រូវនៅអព្យាក្រឹតចំពោះមុខគណបក្សនយោបាយទាំងអស់។ កងទ័ព គឺមិនអាចអព្យាក្រឹតរវាងរដ្ឋ និងបក្សនយោបាយឡើយ ហើយបក្សនយោបាយក៏គ្មានសិទ្ធិបញ្ជាកងទ័ពទេ។
សម្តេចតេជោ បានមានប្រសាសន៍បែបនេះ នៅក្នុងពិធីសម្ភោធដាក់ឱ្យប្រើប្រាស់នូវហេដ្ឋារចនាសម្ព័ន្ធ អគារហ្វឹកហ្វឺនជំនាញចារកម្ម នាព្រឹកថ្ងៃទី១២ ខែធ្នូ ឆ្នាំ២០១៧ នៅខណ្ឌព្រែកព្នៅ រាជធានីភ្នំពេញ។