នៅរាល់ពេលដែលសមត្ថកិច្ចអនុវត្តច្បាប់ប៉ះចំសកម្មជនដែលជាអតីតបក្សប្រឆាំង ក្រុមសង្គមស៊ីវិលដែលជាសម្ព័ន្ធមិត្តរបស់ពួកគេ តែងចេញមុខលើកឡើងថាការអនុវត្តច្បាប់របស់អាជ្ញាធរ ជាការបង្ក្រាបអ្នកតិទៀនដ៏អយុត្តិធម៌ និងជារឿងដែលធ្ងន់ធ្ងរមិនអាចទទួលយកបាន ឬគួរឱ្យសោកស្តាយជាដើម។ តាមពិត ក្រុមសង្គមស៊ីវិលទាំងនោះសុទ្ធតែទទួលបាននូវថវិកា បច្ចេកទេស និងការបង្ហាត់បង្រៀនអំពីការសំដែងមតិដែលមានចរិតញុះញង់ អុជអាល និងបញ្ឆេះកំហឹង ដែលសារសំដែងមតិរបស់ពួកគេនោះមើលដោយសើរៗទៅគឺហាក់ដូចជាការសំដែងមតិដោយអហិង្សា ប៉ុន្តែតាមការពិតវាគឺជាឆ្នួនបញ្ឆេះកំហឹងប្រជាជន ដែលបរទេសជាចៅហ្វាយនាយពួកគេធ្លាប់បានប្រើប្រាស់ក្នុងការផ្តួលរំលំរដ្ឋាភិបាលជាច្រើននៅមជ្ឈឹមបូព៌ា និងអាមេរិកឡាទីនទទួលបានជោគជ័យរួចមកហើយ។ ក្នុងនោះក៏មានការចូលរួមយ៉ាងសកម្មពីប្រព័ន្ធផ្សព្វផ្សាយប្រតិកិរិយា ដែលមានវិទ្យុអាស៊ីសេរី (RFA)ជាមេក្លោងក្នុងការបំពុលព័ត៌មានផងដែរ។
ករណីឃាតកម្មលើលោក កែម ឡី ដែលបានកន្លងទៅអស់រយៈពេលបីឆ្នាំទៅហើយនោះ ត្រូវបានក្រុមសកម្មជនអតីតបក្សប្រឆាំង លើកយកមកធ្វើជាប្រធានបទដើម្បីបង្កចលាចលក្នុងសង្គមសារជាថ្មីឡើងវិញ បើទោះបីជាសំណុំរឿងនេះត្រូវបានសមត្ថកិច្ចចាត់វិធានការចំពោះឃាតករដៃដល់ឈ្មោះ អឿត អាង ដោយកាត់ទោសដាក់ពន្ធនាគារអស់មួយជីវិតទៅហើយក្តី។ ករណីនេះ ពួកគេបានប្រើប្រាស់អតីតសកម្មជនអតីតគណបក្សប្រឆាំង ឈ្មោះ គង់ រ៉ៃយ៉ា និង សួង នាគព័ន្ធ ឱ្យចេញមុខធ្វើសកម្មភាពជាចំហក្នុងការប្រមូលផ្តុំកំលាំងយុវជន តាមរយៈការបោះពុម្ពអាវយឺតដែលមានរូបលោក កែម ឡី រួមជាមួយសារញុះញង់ និងចែកខិតប័ណ្ណផ្សព្វផ្សាយនូវសារបញ្ឆេះកំហឹងនៅទីសាធារណៈដែលទង្វើនេះគឺជាការសំដែងមតិមិនស្របច្បាប់។ ក្រោយការចាប់ខ្លួន តុលាការក្រុងភ្នំពេញបានចោទប្រកាន់ឈ្មោះ គង់ រ៉ៃយ៉ា និង ឈ្មោះ សួង នាគព័ន្ធ ដូចៗគ្នាពីបទ «ញុះញង់ឱ្យប្រព្រឹត្តបទឧក្រិដ្ឋជាអាទិ៍» តាមបញ្ញត្តិមាត្រា៤៩៤ និងមាត្រា៤៩៥ នៃក្រមព្រហ្មទណ្ឌដែលបទចោទនេះតុលាការសំអាងថា ជនសង្ស័យទាំងពីរអាចបង្កឱ្យប៉ះពាល់ដល់របៀបរៀបរយសណ្ដាប់ធ្នាប់សាធារណៈ និងបង្កឱ្យមានភាពវឹកវរធ្ងន់ធ្ងរដល់សន្តិសុខសង្គម។
បន្ទាប់ពីមានការអនុវត្តច្បាប់ដោយតុលាការកម្ពុជាបែរជាស្ថានទូតមហាអំណាចមួយ និង អង្គការសិទ្ធិមនុស្សដែលជាសម្ព័ន្ធមិត្តរបស់ពួកគេមួយចំនួនតូចបានលើកឡើងថា ពួកគេមានការព្រួយបារម្ភអំពីសិទ្ធិសេរីភាពបញ្ចេញមតិ ឬការជួបប្រជុំគ្នាមានការរឹតបន្តឹង និងស្នើសុំឱ្យមានការដោះលែងជនត្រូវចោទទាំងពីរនាក់ទៅវិញ។ ទន្ទឹមគ្នានេះ អតីតគណបក្សសង្គ្រោះជាតិ ដែលកំពុងបង្កើតជាក្រុមឧទ្ទាមក្រៅច្បាប់នៅក្រៅប្រទេសក៏បានទាមទារឱ្យអាជ្ញាធរដោះលែងអ្នកទាំងពីរឱ្យមានសេរីភាពវិញដែរ ដែលចំណុចនេះហាក់បង្ហាញឱ្យឃើញកាន់តែច្បាស់ថា សកម្មភាពរបស់ពួកគេធ្វើឡើងដោយមានការគាំទ្រជាសំងាត់។
តាមការពិត ចំណាត់ការរបស់សមត្ថកិច្ច និងតុលាការ គឺធ្វើឡើងដោយមានព័ត៌មាន និងមូលដ្ឋានច្បាប់ច្បាស់លាស់។ ផ្ទុយទៅវិញ ការចេញសេចក្តីថ្លែងការណ៍របស់ស្ថានទូតមហាអំណាចមួយនោះ និងការលើកឡើងរបស់ក្រុមអង្គការសិទ្ធិមនុស្សដែលជាសម្ព័ន្ធមិត្តខ្លួនទេដែលគ្មានមូលដ្ឋានច្បាស់លាស់នោះ។ ជាទូទៅ បើជនជាប់ចោទទាំងពីរគ្រាន់តែប្រារព្ធខួប និងគោរពវិញ្ញាណក្ខ័ន្ធលោក កែម ឡី គឺមិនខុសច្បាប់ឡើយ ប៉ុន្តែសកម្មភាពរបស់ពួកគេទាំងពីរនាក់គឺមានរឿងផ្សេងនៅពីក្រោយ។ ការគោរព ឬឧទ្ទិសដល់វិញ្ញាណក្ខ័ន្ធសព គេអាចទៅប្រារព្វធ្វើនៅចេតិយដំកល់សព ឬក៏ធ្វើចង្ហាន់មួយស្រាក់ឧទ្ទិសកុសលជូនអ្នកស្លាប់តាមរយៈព្រះសង្ឈនៅតាមទីអារាមគឺជារឿងគោរពស្រឡាញ់ណាស់ទៅហើយ ប៉ុន្តែសកម្មភាពពិធីរំលឹកខួបលោក កែម ឡី របស់សកម្មជនអតីតបក្សប្រឆាំងទាំងពីរនេះគឺមានចេតនាបង្កភាពវឹកវរ ចលាចលដល់សង្គមជាតិដែលរៀបចំដោយមានអង្គការចាត់តាំង និងបណ្តាញនៅពីក្រោយយ៉ាងពិតប្រាកដ។ ដូច្នេះ ប្រសិនបើគ្មានការទប់ស្កាត់ឱ្យទាន់ពេលវេលាទេ នោះអាចនឹងមានអស្ថេរភាពសង្គមជាក់ជាមិនខាន។ អ្វីដែលគួរឱ្យចាប់អារម្មណ៍នោះគឺ នរណាក៏ដឹងដែរថាពួកគេទាំងពីរនាក់នោះសុទ្ធតែជាអតីតសកម្មជនរបស់បក្សប្រឆាំងដែលត្រូវតុលាការកំពូលបានរំលាយចោលពីថ្ងៃទី១៦ ខែវិច្ឆិកា ឆ្នាំ២០១៧ មកម្លេះ ហើយឈ្មោះ គង់ រ៉ៃយ៉ា នេះក៏ធ្លាប់ជាប់ពន្ធនាគារម្ដងរួចមកហើយកាលពីថ្ងៃទី១៥ ខែមីនា ឆ្នាំ២០១៦ ដោយតុលាការបានចោទពីបទ «ញុះញង់ឱ្យប្រព្រឹត្តបទឧក្រិដ្ឋជាអាទិ៍» បន្ទាប់ពីជនម្នាក់នេះបានប្រកាសឱ្យមហាជនចូលរួមធ្វើបដិវត្តន៍ពណ៌តាមបណ្ដាញសង្គមជាមួយនឹងរូបខ្លួននោះ។
ជារួម ក្រោយការចាប់ខ្លួននេះសមត្ថកិច្ចអាចកត់សំគាល់នូវមុខសញ្ញាមួយចំនួន ដែលគេអាចវាយតំលៃថាជាក្រុមដែលអាចនៅពីក្រោយខ្នងក្នុងការរៀបចំផែនការ គាំទ្រផ្តល់ថវិកា និងជំរុញឱ្យពួកគេធ្វើសកម្មភាពប្រមូលផ្តុំ និងបង្កចលាចលក្នុងសង្គម តាមរយៈការសំដែងនូវប្រតិកម្មថ្កោលទោសចំពោះការអនុវត្តច្បាប់របស់សមត្ថកិច្ច។ ករណីនេះ ត្រូវបានគេវាយតំលៃថា « សកម្មភាពរបស់ គង់ រ៉ៃយ៉ា និង សួង នាគព័ន្ធ អាចជារឿង សម្លរកំពឹស» ។
ដូច្នេះហើយ បានជាតុលាការសំរេចឃុំខ្លួនជនត្រូវចោទទាំងពីរនាក់នេះ ដើម្បីបន្តការស៊ើបអង្កេតរកប្រភពដែលនៅពីក្រោយខ្នងមុននឹងឈានដល់ការសំរេចសេចក្តី។ ទោះជាយ៉ាងណានៅក្នុងសង្គមប្រជាធិបតេយ្យ ការផ្តល់សិទ្ធិដល់ពលរដ្ឋឱ្យមានការតតាំងក្តីគ្នានៅតុលាការ គឺជាការឆ្លុះបញ្ចាំងអំពីសិទ្ធិមនុស្ស និងការអនុវត្តច្បាប់ដូចនៅក្នុងប្រទេសស៊ីវីល័យនានាក្នុងពិភពលោកដូច្នោះដែរ ហើយការឃុំខ្លួនជនត្រូវចោទ គង់ រ៉ៃយ៉ា និង សួង នាគព័ន្ធ នៅពេលនេះ គឺជាវិធានការអនុវត្តច្បាប់លើជនសង្ស័យប៉ុណ្ណោះ។ ប៉ុន្តែ ជារឿយៗ មេឧទ្ទាមក្រៅច្បាប់ដែលរស់យ៉ាងសុខសាន្តនៅក្រៅប្រទេសតែងតែប្រើប្រាស់ប្រជាពលរដ្ឋ និងអតីតសកម្មជនរបស់ខ្លួនឲ្យចេញមុខធ្វើសកម្មភាព និងតែងតែរងគ្រោះជំនួសខ្លួនជាដរាប។ ជនក្បត់ជាតិរត់ចោលស្រុក តែងយកប្រជាពលរដ្ឋ និងអតីតសកម្មជនបក្សឱ្យមកប្រឆាំងជាមួយរាជរដ្ឋាភិបាល ដើម្បីគោលដៅនយោបាយរបស់ពួកគេជាដរាប ហើយទីបំផុតគឺមានតែប្រជាពលរដ្ឋ និងអតីតសកម្មជនដែលជឿងប់នូវការបោកប្រាស់ទេដែលត្រូវជាប់គុគ ច្រវ៉ាក់ជំនួសពួកគេ៕
ដោយ៖ សួន ចំរើន
ទស្សនៈមិត្តអ្នកអាន ៖ «សកម្មភាពរបស់ គង់ រ៉ៃយ៉ា និង សួង នាគព័ន្ធ អាចជារឿង សម្លរកំពឹស»
Voice Of Countryside
5.0
stars based on
35
reviews
នៅរាល់ពេលដែលសមត្ថកិច្ចអនុវត្តច្បាប់ប៉ះចំសកម្មជនដែលជាអតីតបក្សប្រឆាំង ក្រុមសង្គមស៊ីវិលដែលជាសម្ព័ន្ធមិត្តរបស់ពួកគេ តែងចេញ...
ទស្សនៈមិត្តអ្នកអាន៖ ទុំ មុនស្រគាលមន្ត្រីដែលជាប់បម្រាមធ្វើនយោបាយក្នុងចំណោមអ្នកទាំង ១១៤នាក់ បានឲ្យដឹងថា ក្នុងពេលឆាប់ៗខាងមុខនេះ ក្រុមមន្ត្រីដែលជាប់បម្រាម នឹងស្នើសុំសិទ្ធិ ... 
បទអត្ថាធិប្បាយ «ឧក្រិដ្ឋជន សម រង្ស៊ី ងងឹតមុខ ចង់ទន់ជង្គង់នៅឯកិច្ចប្រជុំសភា IPU !»ជារឿងដ៏អាម៉ាសបំផុតថ្មីមួយទៀត សម្រាប់ឧក្រិដ្ឋជន សម រង្ស៊ី ដែលត្រូវបានប្រធានកិច្ចប្រជុំនៃសហភាពអន្តរសភា(IPU) បណ្តេញចេញពីកិច្ចប្រជុំ ដោយលុ ... 
ទស្សនៈមិត្តអ្នកអាន៖ «សេដ្ឋកិច្ចកម្ពុជានឹងនៅតែរឹងមាំ ទោះគ្មាន EBA ក៏ដោយ» ជាការកត់សម្គាល់ជាងពីរទសវត្សរ៍ចុងក្រោយមកនេះ ប្រទេសកម្ពុជាក្រោមការដឹកនាំរបស់លោកនាយករដ្ឋមន្ត្រី ហ៊ុន សែន ដែលបានធ្វើឱ្យប្រទេសមានសុខសន្តិភ ... 
ទស្សនៈមិត្តអ្នកអាន៖«អ្នកសមគំនិតនិងមេរដ្ឋប្រហារ នឹងត្រូវផ្តន្ទារទោសតាមច្បាប់»ថ្មីៗនេះ អាជ្ញាធរមានសមត្ថកិច្ចបានឃាត់ខ្លួនមនុស្សមួយចំនួន ពាក់ព័ន្ធនឹងការទៅទទួលយកផែនការរដ្ឋប្រហាររបស់ សម រង្ស៊ី មេចលនាឧទ្ទាមប្រឆាំងក្រៅ ... 
ទស្សនៈមិត្តអ្នកអាន៖ សម រង្ស៊ី ចូលស្រុក ទាល់តែយូរ…!គម្រោងចូលស្រុករបស់លោក សម រង្ស៊ី ធ្វើឲ្យក្រុមបក្ខលោក ហ៊ុន សែន លស់ព្រលឹង។ ប៉ុន្តែបើគោលដៅនៃការចូលស្រុករបស់ក្រុមលោក សម រង្ស៊ី កំណត់យកឆ្នាំ ... 
0 comments