លោកនាយករដ្ឋមន្ត្រី ហ៊ុន សែន ប្រកាសថាពុំមានការបង្កើតខេត្តថ្មីឡើយ

ការសម្រេចរបស់លោកនាយករដ្ឋមន្រ្តី ហ៊ុន សែន ក្នុងការបញ្ឈប់ការសិក្សាទៅលើគម្រោងបង្កើតខេត្តថ្មីនេះ បានធ្វើឡើងក្នុងឱកាសអញ្ជើញជាអធិបតីប្រារព្ធពិធីអបអរសាទរទិវា «គ្រូបង្រៀន ៥ តុលា» នៅព្រឹកថ្ងៃទី៥ ខែតុលា ឆ្នាំ២០១៨នេះ នៅវិទ្យាស្ថានជាតិអប់រំ។ ភ្លាមៗបន្ទាប់ពីលោកនាយករដ្ឋមន្ត្រី ហ៊ុន សែន ប្រកាសលុបចោលការសិក្សាបង្កើតថ្មីនេះហើយ ទីស្តីការគណៈរដ្ឋមន្ត្រី ក៏បានចេញសេចក្តីជូនដំណឹងមួយទៅលោក ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បញ្ជាក់ពីការបញ្ឈប់គម្រោងសិក្សាបង្កើតខេត្តថ្មីនេះផងដែរ៕