មុនកិច្ចប្រជុំកំពូលមកដល់! លោក គីម ជុងអ៊ុនឆ្លៀតដើរកម្សាន្តពេលរាត្រី នៅសិង្ហបុរី

Credited: Fresh News : សិង្ហបុរី)៖ យោងតាមសារព័ត៌មាន AP ចេញផ្សាយឲ្យដឹងនាយប់ថ្ងៃទី១១ ខែមិថុនានេះ បានឲ្យដឹងថា មេដឹកនាំកំពូលកូរ៉េខាងជើង លោក គីម ជុងអ៊ុន បានធ្វើដំណើរចាកចេញពីសណ្ឋាគារ ដែលខ្លួនស្នាក់នៅ ដើម្បីធ្វើដំណើរកម្សាន្ត ទស្សនាទីក្រុងរបស់សឹង្ហបុរី នាពេលរាត្រី មុនពេលនៃកិច្ចប្រជុំកំពូល ជាមួយនឹងប្រធានាធិបតីសហរដ្ឋអាមេរិក លោក ដូណាល់ ត្រាំ។ សូមជម្រាបថា មេដឹកនាំ​កូរ៉េខាងជើង លោក គីម ជុងអ៊ុន និងប្រធានាធិបតីសហរដ្ឋ​អាមេរិក លោក ដូណាល់ ត្រាំ បានធ្វើដំណើរទៅដល់​ប្រទេស​សិង្ហបុរី កាលពីថ្ងៃអាទិត្យម្សិលមិញ​ដូចគ្នា ដើម្បត្រៀមចូលរួមកិច្ចប្រជុំកំពូល ដែលត្រូវបានកំណត់ថា នឹងប្រព្រឹត្តទៅ នាម៉ោង០៩៖០០នាទី​ព្រឹកថ្ងៃអង្គារ ទី១២ ខែមិថុនាស្អែកនេះ នៅឯសណ្ឋាគារ Capella លើកោះ Sentosa របស់សិង្ហបុរី៕