មន្រ្តីកម្ពុជា២រូប​ ​ចូលរួមសិក្ខាសាលាអន្តរជាតិ ស្តីពីសមត្ថភាពគ្រប់គ្រង ហានិភ័យជីវសាស្រ្ត នៅប្រទេសឡាវ

Credited: Fresh News: (ឡាវ)៖ តំណាងអាជ្ញាធរជាតិអាវុធគីមី​កម្ពុជា និងតំណាងមកពីក្រសួងសុខាភិបាល នៅព្រឹកថ្ងៃទី២៨ ខែ​មិថុនា ឆ្នាំ​២០១​នេះ បានចូលរួមសិក្ខាសាលាអន្តរជាតិមួយ ស្តីពីសមត្ថភាពគ្រប់គ្រងហានិភ័យជីវសាស្រ្ត ដែលធ្វើឡើងនៅទីក្រុងវៀតច័ន្ទ ប្រទេសឡាវ រយៈពេល២ថ្ងៃ គឺនៅថ្ងៃទី២៨-២៩ ខែមិថុនា ឆ្នាំ២០១៨។ សិក្ខាសាលាអន្តរជាតិនេះ​ រៀបចំឡើងក្រោមគម្រោង​លេខ​៤៦ នៃមជ្ឈមណ្ឌលឧត្តមភាពសហភាពអឺរ៉ុប ដែលមានតំណាងមកពីប្រទេសមួយចំនួនចូលរួម ក្នុងនោះមាន កម្ពុជា​ វៀតណាម ឡាវ ព្រុយណេ មីយាន់ម៉ា ពីលីពីន និងប្រតិភូអឺរ៉ុបប្រចាំនៅកម្ពុជាផងដែរ។ ឧត្តមសេនីយ៍ឯក ឈុំ ចរិយា អគ្គលេខាធិការរង អាជ្ញាធរជាតិអាវុធគីមី ជាគ្រូបង្គោលម្នាក់ ដែលចូលរួមក្នុងសិក្ខសាលាខាងលើនេះ បានបញ្ជាក់ប្រាប់បណ្តាញព័ត៌មាន Fresh News ឱ្យដឹងថា សិក្ខាសាលានេះ មានសារសំខាន់ណាស់សម្រាប់ការងារទប់ស្កាត់ហានិភ័យគីមីនៅក្នុងប្រទេសកម្ពុជា។ លោកស្រី បានបញ្ជាក់ទៀតថា គោលបំណងនៃសិក្ខាសាលានេះគឺ សម្រាប់វាយតម្លៃហានិភ័យ នៃការដឹកជញ្ជូន និងការគ្រប់គ្រងកាកសំណល់ជីវសាស្ត្រ ក៏ដូចជាវាយតម្លៃសមត្ថភាពឆ្លើយតបទៅនឹងការផ្ទះឡើងនូវជំងឺ រាតត្បាតផ្សេងៗជាដើម៕