ឌី សូនីតា ប្រកាស​​ព្រមាន​ទម្លាយ ជា​សាធារណៈ ចំពោះ​បុគ្គល​​ដែល Hack Facebook និង​មាន​ចេតនា​អាក្រក់​លើខ្លួន

Credited: KhmerTalking (ភ្នំពេញ)៖ ចូលមកដល់ពាក់កណ្តាលឆ្នាំ២០១៨នេះ តារាសម្តែងមានទីផ្សាខ្ពស់កញ្ញា ឌី សូនីតា ក៏ស្រាប់តែជួបនូវរឿងរ៉ាវអាក្រក់ៗមួយចំនួន ស្របពេលដែលបច្ចុប្បន្ន នាងកំពុងមានរឿងក្តីដ៏ក្តៅគគុកមួយជាមួយស្រ្តីម្នាក់ ដែលបានរៀបផែនការក្នុងគោលបំណង ដើម្បីបំផ្លាញសេចក្តីសុខនិងកិត្តិយសរបស់នាង។ មិនតែប៉ុណ្ណោះបុគ្គលរូបនោះថែមទាំងព្យាយាម Hack ចូលគ្រប់គ្រង Account Facebook របស់នាងជាច្រើនលើកច្រើនសារទៀតផង។ ទម្លាយនៅលើបណ្តាញសង្គមហ្វេសប៊ុកផ្ទាល់ខ្លួនកញ្ញា ឌី សូនីតាបានរៀបរាប់ថា «មើលមិចឃើញ នីតា ស្លូត? តោះចង់ដឹងថា នីតា សរសេរប្រធានបទពីអ្វីទេ? ទ្រាំអានតិចទៅណាហ្រ្វេនទាំងអស់គ្នា រៀងវែងតិចហើយ មុនដំបូងថាមិនចង់ទេ ឥឡូវវាទើសភ្នែកពេកក៏ទ្រាំមិនបាន តោះចាប់ផ្តើម មួយរយៈនេះមានរឿងរហូត នៅសុខៗសោះក៏គេមកឆ្កើសឆ្កៀល ដែលដូចអ្នកគ្រូមានប្រសាសន៍អញ្ចឹងថា ឆ្នាំនេះមិនល្អ»។ តារាស្រីរាងតូចច្រឡឹងកញ្ញា ឌី សូនីតា បន្តថា «ឥឡូវមែនមានគេហេកអាខោន (អាយជី) របស់ខ្ញុំ អាខោន (ហ្វេសប៊ុក) របស់ខ្ញុំ ហើយនឹងបង ហ្សូរ៉ា (ចន អេឡិចហ្សូរ៉ា) ផងដែរ ប៉ុន្តែពួកយើងក៏យកមកវិញបាន។ ហើយនៅថ្ងៃបន្ទាប់ពួកគេក៏ចាប់ផ្តើមហែកអាខោន(អាយជី) ខ្ញុំម្តងទៀត ហើយទីបំផុតខ្ញុំក៏ចាប់បានពេលនោះ ក្រុមសមត្ថកិច្ចចុះទៅចាប់បាននៅនឹងកន្លែងតែម្តង ជនល្មើសគឺជាស្រី អ្វីដែលយើងសួរចម្លើយ គឺនាងមិនសារភាពទេ ទោះបីជាមានភស្តុតាងច្បាស់យ៉ាងណាក៏ដោយ។ នាងសុំអោយជួបមេធាវីរបស់នាង»។ តារាស្រីចង្កាស្រួចកញ្ញា ឌី សូនីតា លើកឡើងទៀតថា «អ្វីដែលនឹកស្មានមិនដល់មួយទៀត អ្នកដែលទៅធានាខ្លួនរបស់នាង គឺជាប្តីតារាស្រីរៀមច្បងមួយរូប ដែលខ្ញុំតែងតែគោរព និងអោយតំលៃបំផុត រឿងហួសចិត្តអញ្ចឹងសើចហ្មងទៅ។ សួរថាមានពាក់ព័ន្ធអីជាមួយនឹងគាត់ទៅ? អ្វីដែលរឹតតែហួសចិត្តមួយទៀត នៅពេលដែលយើងមិនព្រមអោយដោះលែងនៅក្រៅឃុំ ក៏ស្រាប់តែលេចមុខអ្នកធំមហាសែនធំម្នាក់ទៀត បញ្ជាអោយដោះលែងស្រីម្នាក់នោះ ២៤ម៉ោង។ ម៉ែអាថ្លែនរឹតតែខ្នងធំទៀតហើយ សុំដាក់សញ្ញាសួរមួយសិន?»។ កញ្ញា ឌី សូនីតា បញ្ជាក់ថា «អ្នកធំម្នាក់នោះ ខ្ញុំមិនដែលស្គាល់ ហើយប្តីតារារៀមច្បងម្នាក់នេះ ក៏មិនដែលបាននិយាយជាមួយគាត់សូម្បីតែម្តង ហើយរឹតតែមិនដែលទាស់សម្តីសូម្បីតែម្តង ជាមួយតារាស្រីម្នាក់នោះ រួចចុះគាត់កើតអីបានមកហេកអាខោនខ្ញុំ រឹតតែរឿងធំទៅទៀត គ្រាន់តែចាប់បានចោហេកអាខោនមួយសោះ ស្រាប់តែចេញមុខមកទាំងខ្សែតែម្តង ធ្វើដូចទោសធំដុំដល់ថ្នាក់សម្លាប់មនុស្ស ភ័យជួសកូនចៅយ៉ាងនេះផង? ឬក៏មានគម្រោងការណ៍អីផ្សេងពីនេះទេដឹង?»។ នាងបាននិយាយទៀតថា «បងស្រីហា អូនសុំសរសើរបងមែន អូនមិនដែលមានរឿងជាមួយសូម្បីតែម្តងផង នៅបងមករំលោភបំពានសិទ្ធិរបស់ខ្ញុំដល់ថ្នាក់នេះ ហើយនៅអាងខ្សែធំនៅពីក្រោយខ្នងទៀត ចុះទម្រាំអ្នកដែលធ្លាប់មានរឿងជាមួយបងមុនៗមក មិនដឹងបងលួចធ្វើយ៉ាងម៉េចខ្លះទៅ? ហើយឆ្ងល់ណាស់មែនទេ ដែលខ្ញុំដឹងគ្រប់រឿង? កុំច្រឡំណា ឌី សូនីតា កើតចេញមកពីកូនអ្នកក្រគ្មានអាងខ្សែ គ្មានអាងខ្នងអ្វីទាំងអស់ ហើយក៏មិនដែលមានប្រវត្តិយករបស់អ្នកណា រឹតតែមិនដែលមានរឿងអាស្រូវដូចជាបងដែរ»។ តារាស្រីកញ្ញា ឌី សូនីតា និយាយបែបនេះទៀតថា «ខ្ញុំប្រើតែអំពើល្អ និងប្រើចិត្តបុណ្យចិត្តធម៌ ដូចច្នេះផលដែលបានមកវិញ គឺសុទ្ធតែមនុស្សចិត្តបុណ្យនៅជុំវិញខ្លួនណាបង។ បងចង់ប្រើបក្សពួកបងទៅធ្វើបាបគេបាន ប៉ុន្តែចំពោះខ្ញុំលើកលែងអោយខ្លះទៅបង ព្រោះខ្ញុំគ្មានបក្សពួក រឹតតែគ្មានអ្នកពូកែខាងតែស្ករដូចបងផង អញ្ចឹងបិទភ្នែកបិទច្រមុះ ដើររំលងខ្ញុំមួយទៅបង ក្រែងលោបាបកម្មអន់ថយខ្លះ បងក៏មានកូនបងមិនខ្លាចបាបកម្ម ដែលបងដើរធ្វើរាល់ថ្ងៃនេះ វាធ្លាក់លើកូនបងនៅថ្ងៃណាមួយទេ? ហើយមួយទៀត សុំសរសើបងចេញពីចិត្ត ខ្លួនតែមួយកាន់អាខោន (Account Facebook) ១០លោកព្រះ»។ ឌី សូនីតា បោះពាក្យសម្តីទៀតថា «បងគិតប្រុងយ៉ាងម៉េចហ្នឹង? ដើរយកឆាតមកខ្ញុំរហូត អត់កើតអីណាបង? ហ៊ឹម រាល់ថ្ងៃខំជៀសណាស់ ពីរឿងឃើញតែឈ្លោះគ្នារឿងសិល្បៈគ្នាឯង ចង់អោយចេះសាមគ្គីគ្នា ប៉ុន្តែពេលនេះធ្លាក់មកដល់ខ្ញុំអោយទាល់តែបាន។ ហើយសំខាន់ចំមនុស្សអត់ដឹងអីសោះ។ ហ៊ឹម មើលទៅទ្រាំមិនបានទេ ដូចពាក្យគេថា មើលញ៉ោមកាន់ស្បង់ជីពរអោយអាត្មា អាត្មាវៃមីចោម្រាយនេះអោយណាណីតែម្តង រៀងឈ្លើយតិចហើយបងប្អូនអើយ នេះរឿងកំប្លែងទេណា មែនអូនចង់ជេរទេ»។ «បងហា…! សុំយាយមួយទៀតណា ក្រុមគ្រួសារខ្ញុំបានដឹងរឿងអស់ហើយ ហើយក៏បានស្គាល់ខ្សែបងអស់ហើយដែរ បើខ្ញុំមានរឿងអី គ្មានអ្នកណាទេក្រៅពីបង។ ប្រកាសក្នុងហ្វេសប៊ុកអោយហើយទុកជាភស្តុតាង ព្រោះអូនគ្មានខ្សែដូចបង អញ្ចឹងមានតែហ្វេន និងហ្វ្រេនអូនជួយដឹងឮ ហើយមួយទៀតណាបង បើបងនៅតែចង់បន្ត ខ្ញុំសុខចិត្តលេងជាមួយបងបាន។ ព្រោះខ្ញុំនៅតែជឿជាក់ថា ស្រុកទេសរបស់ខ្ញុំមានច្បាប់»។ នេះជាសម្តីដែលតារាស្រីវ័យក្មេងកញ្ញា ឌី សូនីតា ប្រើពាក្យចំអកឲ្យបុគ្គលរូបនោះ។ បន្ថែមពីនេះកញ្ញា ឌី សូនីតា ក៏បានបញ្ជាក់ទៀតថា «លើកនេះលើកលែងអោយបង ប៉ុន្តែលើកក្រោយចេញវីដេអូ ហើយដាក់ឈ្មោះបងចូលតែម្តង ដើម្បីអោយបងប្អូនស្គាល់កាន់តែច្បាស់ថា បងជាអ្នកណា ហើយបក្សពួកបងជាអ្នកណា ជាពិសេសអ្នកនៅពីក្រោយខ្នងបង ជាអ្នកណាដែរ។ សុំទោសអូនអត់សូវចេះនិយាយទេ អូនសរសេរវែងយ៉ាងនេះ ព្រោះអូនដឹងថាពេលនេះបងក៏កំពុងតែអានដែរ ព្រោះអីបងហ្វ្រេនក្នុងហ្វេសប៊ុកអូនស្រាប់ហើយ សុំមួយទៀតណាតិចថាអូនចង់ល្បីដោយសាររឿងអញ្ចឹងៗ។ ហាសហា អត់ជំនាញអាខាងផ្លូវលក់មុខចឹងទេ។ អាហ្នឹងវាជាជំនាញរបស់បង ចែកគ្នាអោយដាច់ណាបង»៕