ដឹងលក្ខណៈពិសេសនៃការបង់ពន្ធគយតាមប្រព័ន្ធថ្មី ចំណេញអ្វីដល់ប្រជាជនកម្ពុជា?

Credited: Sabay News អគ្គនាយកដ្ឋានគយនិង​​រដ្ឋាករ​កម្ពុជា​ ប្រកាស​ដាក់​ឲ្យ​ប្រើប្រាស់​ជា​ផ្លូវការ​​មុខងារ​ទូទាត់​តាម​មធ្យោបាយ​អេឡិកត្រូនិក​សម្រាប់​ប្រតិបត្តិការ​​ទទួល​ចំណូល​គយ​និង​រដ្ឋាករ​គ្រប់​ប្រភេទ ដោយ​មិន​ចាំ​បាច់​ទៅ​ដោយ​ផ្ទាល់​។ លោក​អ្នក​​ដឹង​ទេថា ​តើលក្ខណៈ​ពិសេស​នៃបច្ចេកវិទ្យា​ថ្មីនេះ​​ ចំណេញ​អ្វីខ្លះ​ដល់​ប្រជាជនកម្ពុជា?​ មិនចាំបាច់​កាន់​សាច់​ប្រាក់​ទៅបង់ពន្ធ មិនចាំបាច់​ចំណាយ​ពេល​ទៅ​តម្រង់​ជួរដាក់​ប្រាក់​នៅ​ធនាគារ ​​ មិនចាំបាច់​ត្រូវ​ចាំ​លេខគណនី​ធនាការរបស់សាខា ឬការិយាល័យគយ និងមិនបាច់បារម្ភខ្លាច​ច្រឡំ​លេខគណនី អាចបង់ប្រាក់បាន​គ្រប់ពេលវេលា ២៤/៧ មិនបារម្ភខ្លាចបង់លើស ឬបង់ខ្វះ ចំណេញពេលវេលា។ ដោយឡែកនៅថ្ងៃទី ២១ ឧសភា ២០១៨ នេះដែរ ក្រសួងសាធារណការ និង​ដឹកជញ្ជូន បាន​ធ្វើការ​តភ្ជាប់​ប្រព័ន្ធ​ស្វ័យ​ប្រវត្តិកម្ម​ដឹកជញ្ជូន​ផ្លូវ​គោក ជាមួយ​ប្រព័ន្ធ​ទិន្នន័យ​ពន្ធគយ​របស់​អគ្គនាយកដ្ឋាន​គយ និង​រដ្ឋាករ នៃ​ក្រសួង​សេដ្ឋកិច្ច និង​ហិរញ្ញវត្ថុ ជាផ្លូវការ​។ ការ​តភ្ជាប់​ប្រព័ន្ធ​នេះ នឹង​អាច​ធានា​​បាន​ថា យានយន្ត​ដែល​មកផ្ទេរ​កម្មសិទ្ធិ សុទ្ធតែ​បាន​បង់ពន្ធ​ប្រថាប់ត្រា​ត្រឹមត្រូវ ហើយ​ចំពោះ​យានយន្ត​ដែល​មិនបាន​បំពេញ​កាតព្វកិច្ច​បង់ពន្ធ​លើ​មធ្យោបាយ​ធ្វើ​ដំណើរ​ត្រឹមត្រូវ​នោះ ក៏ត្រូវ​ប្រឈម​មុខ​នឹងការ​លុបឈ្មោះ​ចេញពី​បញ្ជី​យានយន្ត​ផងដែរ៕ សូមទស្សនាវីដេអូ