ចាប់​ជនសង្ស័យ​ក្រុម​ប្លន់​បាន​មួយ​សម្បុក​ធំ​ព្រោះ​ម៉ូតូ​ភ្ជាប់​ប្រព័ន្ធ​ជី​ភី​អេស​

Credited: រស្មីកម្ពុជា ភ្នំពេញៈ​ក្រុមចោរប្លន់​មួយក្រុម​មាន​គ្នា​ប្រាំ​បីនាក់​បានធ្វើ​សកម្មភាព​ប្លន់​ម៉ូតូ​ហុងដា​ស្កូ​ប​ពីមួយ​គ្រឿង ពី​ទឹកដី​ខណ្ឌ​ដូនពេញ មក​សំងំ​លាក់ខ្លួន នៅ​បន្ទប់​ជួល​ស្ថិត​ភូមិ​ព្រៃទា​សង្កាត់​ចោមចៅ ទី​៣​ក្រោយ​នគរបាល​ខណ្ឌ​ពោធិ៍​សែន​ជ័យ​បន្ទាប់ពី​ទទួល​ពាក្យបណ្តឹង​ពី​ជនរងគ្រោះ​និង​កំណត់​ទីតាំង​បាន​ដោយសារ​ម៉ូតូ​មានភ្ជាប់ ជី​ភី​អេស​(GPS) ។​ ​ប្រតិបត្តិ​ការបង្ក្រាប​ក្រុមចោរ​នេះ​បាន​ធ្វើឡើង​កាលពី​ព្រឹក​ថ្ងៃទី​៦​ខែឧសភា​ឆ្នាំ​២០១៨​នេះ​នៅ​បន្ទប់​ជួល​ស្ថិត​ភូមិ​ព្រៃទា សង្កាត់​ចោមចៅ​ទី​៣​។​ ​លោក យឹម សារ៉ាន់ អធិការនគរបាល​ខ​ណ្ឌ​ពោធិ៍​សែន​ជ័យ បាន​ឲ្យ​ដឹងថា​មុននឹង​ឃាត់​បាន​ជន សង្ស័យ​ចំនួន​ប្រាំ​បីនាក់​កាំភ្លើង​កែច្នៃ​ប្រាំ​ដើម​និង​វត្ថុតាង​មួយចំនួនធំ​គឺ​យោងតាម​ពាក្យបណ្តឹង​របស់​ជនរ​ង​គ្រោះ​ដែល​បាន​ប្តឹង​ថា​មាន​ជនសង្ស័យ​បានធ្វើ​សកម្មភាព​វាយ​ប្លន់​យក​ម៉ូតូ​នា​វេលា​ម៉ោង​៣​ទៀបភ្លឺ ថ្ងៃទី​៦ ខែឧសភា មុខ​ភោជនីយដ្ឋាន​មេត្រូ ម្តុំ​មាត់ទន្លេ ក្នុង​ខណ្ឌដូនពេញ​។​ ​ប៉ូលិស​ពុំបាន​បង្ហាញ​អត្តសញ្ញាណ​លំអិត​នៃ​ក្រុម​ជនជាប់សង្ស័យ​នេះ​ទេ​៕​