រន្ទះបាញ់​របួស​មន្ត្រីនគរបាល​២​នាក់​នៅ​ថ្មពួក​

Credited: រស្មីកម្ពុជា បន្ទាយមានជ័យ​: វា​អាចរ​ខុសពី​ក្រសួង​ធនធានទឹក និង​ឧតុនិយម​បាន​ទស្សន៍ទាយ​ថា បា​តុ​ភូមិ​វិ​សម្ពាធ នៃ​បម្រែបម្រួល​អាកាសធាតុ​នៅ​កម្ពុជា អាច​បញ្ចប់​ត្រឹម​ថ្ងៃទី​១១​ខែឧសភា​ឆ្នាំ​២០១៨ កន្លងមក​។ ប៉ុន្តែ​សម្រាប់​ខេត្ត រាជធានី​ភាគច្រើន​នៃ​ប្រទេស​កម្ពុជា បាន​រង​នូវ​ឥទ្ធិពល​ជ្រលង​សម្ពាធ​ទាប​រហូតដល់​ថ្ងៃទី​១៣​ខែឧសភា ឬ​តទៅទៀត​។​ ​ដោយឡែក​នៅ​ខេត្តបន្ទាយមានជ័យ នៅ​ស្រុក​ថ្មពួក​នា​រសៀល​ថ្ងៃទី​១៣ ខែឧសភា​នេះ មាន​ភ្លៀង​ធ្លាក់​យ៉ាងខ្លាំង​ដូច​ក្នុង​ទូទាំង​ខេត្ត និង​ប្រទេស​ដែរ ហើយ​ផ្គរ​និង​រន្ទះបាញ់​បង្ក​របួស​មន្ត្រីនគរបាល​២​នាក់ គឺ​រងរបួស​នគរបាល​បេ​តិក​ភ័​ណ្ឌ​ម្នាក់ នៅ​ឃុំ​បន្ទាយឆ្មារ និង​នគរបាល​ប៉ុស្តិ៍​រដ្ឋបាល​ឃុំ​ម្នាក់​។​ ​លោក ឌៀប ឈួន អភិបាលស្រុក​ថ្មពួក​ឲ្យ​ដឹងថា មន្ត្រីនគរបាល​រងគ្រោះ​ដោយ​រន្ទះបាញ់​ទាំង​២​នាក់ បាននិងកំពុង​សង្គ្រោះបន្ទាន់ នៅ​មន្ទីរពេទ្យបង្អែក​ស្រុក​ថ្មពួក​៕