លោក ហ៊ុន ម៉ាណែត អញ្ជើញចុះពិនិត្យទីតាំងដែលត្រូវកសាងវត្តខ្មែររចនាបទខ្មែរដំបូងនៅលើទឹកដីកូរ៉េ

ជុងអាំង-ទីក្រុងអានសាន៖ នៅរសៀលថ្ងៃទី២៨ ខែឧសភា ឆ្នាំ២០១៨ លោក ហ៊ុន ម៉ាណែត បានចុះពិនិត្យទីតាំងដែលត្រៀមកសាងវត្តខ្មែររចនាបទខ្មែរទី១នៅលើទឹកដីសាធារណរដ្ឋកូរ៉េ។ តាមសំណើរបស់រាជរដ្ឋាភិបាលកម្ពុជា លោក Kim Jusung ដែលជាសប្បុរសជនកូរ៉េ បានបរិច្ចាគដីដែលមានទំហំ ១៨០០មែត្រការ៉េ ជូនរាជរដ្ឋាភិបាលកម្ពុជាដើម្បីកសាងវត្តខ្មែរមួយជូនប្រជាពលរដ្ឋខ្មែរប្រើប្រាស់នាពេលអនាគត។ នៅក្នុងដំណើរចុះពិនិត្យទីតាំងផ្ទាល់នេះដែរ លោក ហ៊ុន ម៉ាណែត បានថ្លែងអំណរគុណដល់ លោក Kim Jusung ដែលមានចិត្តជ្រះថ្លាក្នុងវិស័យព្រះពុទ្ធសាសនាជាពិសេសទឹកចិត្តស្រឡាញ់ប្រជាពលរដ្ឋខ្មែរ រហូតបរិច្ចាគដីសម្រាប់ស្ថានឯកអគ្គរាជទូតកម្ពុជាគ្រប់គ្រង ប្រើប្រាស់ និងត្រៀមកសាងវត្តខ្មែរនាពេលអនាគតដ៏ខ្លីខាងមុខនេះ៕