វិធានការក្តៅ៖ រាល់រថយន្តតទ្រុង និងដឹកលើសទម្ងន់កម្រិតកំណត់ នឹងត្រូវចាប់ទុក និងកាត់ទ្រុងដោយមិនលើកលែង ចាប់ពីម៉ោងសូន្យ យប់នេះទៅ!!!

យោងតាមអនុសាសន៍របស់សម្ដេចតេជោ បានអោយដឹងថា៖ “ចាប់ពីសូន្យម៉ោងយប់ឆ្លងចូលថ្ងៃទី១០ ខែកុម្ភៈ ឆ្នាំ ២០១៨តទៅ ឱ្យតែមានឡានតទ្រុងខុសលក្ខណៈបច្ចេកទេស ត្រូវចាប់បញ្ចូលទ្រុងទាំងអស់ ពីព្រោះ យានយន្តទាំងនោះបានបំផ្លាញអាយុជីវិតមនុស្ស និងបំផ្លាញផ្លូវថ្នល់ដែលយើង
រកលុយទាំងលំបាក លុយខ្លួនឯងផង លុយខ្ចីគេផង យកមកធ្វើផ្លូវ ហេតុអីបានមកបំផ្លាញផ្លូវដើម្បីចំណេញក្រុមហ៊ុនមួយ?”។

សូមបញ្ជាក់ផងដែរថាក្នុងឆ្នាំ ២០១៧នេះ រដ្ឋាភិបាលបានត្រួតពិនិត្យរថយន្តធ្វើចរាចរណ៍ចំនួន ៩២៣.៦៥៧ គ្រឿង (មួយគ្រឿងអាចពិនិត្យុច្រើនជាងមួយដង) ក្នុងនោះមាន៖
- រថយន្ត ២.៩៥៣គ្រឿង ដឹកលើសចាប់ពី ៤តោន រហូតដល់ ៤៣តោន និងបានផាកពិន័យជាទឹកប្រាក់ចំនួន ៥.៧៧៨.៨២០.០០០រៀល។
- បានកាត់ទ្រុងចេញ ១.២១៥គ្រឿង បានអប់រំណែនាំ ៥៤៥គ្រឿង និងដោះទ្រុងតខាងក្រោយ ៤៧៣គ្រឿង។