(ភ្នំពេញ) ៖ ព្រះរាជាណាចក្រកម្ពុជានឹងធ្វើម្ចាស់ផ្ទះ ក្នុងការរៀបចំកិច្ចប្រជុំកំពូលបណ្តាប្រទេសនៅតាមដងទន្លេមេគង្គ (Lancang-Mekong) ដែលនឹងមានថ្នាក់ដឹកនាំប្រទេសចំនួន៦ រួមមាន មហាអំណាចចិន វៀតណាម ឡាវ ភូមា ថៃ និងកម្ពុជាមកចូលរួមចាប់ពីថ្ងៃទី៩-១១ ខែមករា ឆ្នាំ២០១៨ ខាងមុខនេះ។
យោងតាមកម្មវិធីនៃកិច្ចប្រជុំបានបញ្ជាក់ថា កិច្ចប្រជុំនេះមានប្រធានបទ «ទន្លេរបស់យើង ដើម្បីសន្តិភាពនិងការអភិវឌ្ឍដោយចីរភាព» ។
នៅថ្ងៃទី៨ ខែមករា ២០១៨ ថ្នាក់ដឹកនាំរដ្ឋាភិបាល ឬប្រមុខរដ្ឋាភិបាលនៃបណ្តាប្រទេសនៅតាមដងទន្លេមេគង្គ នឹងអញ្ជើញមកដល់កម្ពុជា។
កិច្ចសហប្រតិបត្តិការ Lancang-Mekong នឹងផ្តល់នូវអត្ថប្រយោជន៍ជាច្រើនដល់បណ្តាប្រទេសដែលមានទន្លេមេគង្គរួមគ្នា ជាពិសេសប្រយោជន៍ស្នូលសម្រាប់កម្ពុជាពីកិច្ចសហប្រតិបត្តិការ Lancang – Mekongគឺការកៀងគរបាននូវអ្នកវិនិយោគទុនពីប្រទេសចិន និងប្រទេសជិតខាងឲ្យដាក់ទុនរកស៊ីនៅប្រទេសកម្ពុជា ៕
0 comments