លោកនាយករដ្ឋមន្រ្ដី ហ៊ុន សែន ផ្ញើសារលិខិតថ្លែងអំណរគុណ ប្រធានាធិបតី និងនាយករដ្ឋមន្រ្តីស្រីលង្កា

លោកនាយករដ្ឋមន្រ្ដី ហ៊ុន សែន ដែលត្រូវបានរដ្ឋសភាផ្តល់សេចក្តីទុកចិត្ត ឱ្យបន្តកាន់តំណែងជានាយករដ្ឋមន្ត្រី សម្រាប់អាណត្តិ៦នេះ បានផ្ញើសារលិខិតថ្លែងអំណរគុណជូន លោក ម៉ៃស្រ៊ីប៉ាឡា ស៊ីរីសេនា ប្រធានាធិបតីសាធារណរដ្ឋប្រជាធិបតេយ្យសង្គមនិយមស្រីលង្កា និង លោក Ranil Wickremesinghe នាយករដ្ឋមន្រ្តីស្រីលង្កា ដែលបានផ្ញើលិខិតអបអរសាទរ ជូនរូបលោកសម្រាប់បន្តដឹកនាំរាជរដ្ឋាភិបាលកម្ពុជា នៅក្នុងអាណត្តិថ្មី។ លោកនាយករដ្ឋមន្រ្ដី ហ៊ុន សែន បានលើកឡើងក្នុងលិខិតរបស់លោកយ៉ាងដូច្នេះថា៖ «ខ្ញុំសូមថ្លែងអំណរគុណយ៉ាងជ្រាលជ្រៅ ចំពោះលិខិតអបអរសាទររបស់ឯកឧត្តមជូនចំពោះខ្ញុំ ក្នុងឱកាសដែលខ្ញុំត្រូវបានតែងតាំងជានាយរដ្ឋមន្ត្រី នៃព្រះរាជាណាចក្រកម្ពុជា។ខ្ញុំឯកភាពជាមួយទស្សនៈរបស់ឯកឧត្តម ដែលថាកម្ពុជា និងស្រីលង្កា មានការតភ្ជាប់វប្បធ៌រួមគ្នា ហើយខ្ញុំរីករាយដោយកត់សម្គាល់ថា ទំនាក់ទំនងមិត្តភាពរវាងកម្ពុជា និងស្រលង្កាមានការរីកចម្រើនគួរឱ្យកត់សម្គាល់ តាមរយៈសហប្រតិបត្តិការកាន់តែជិតស្និទ្ធរវាងវប្រទេសយើងទាំងពីរ និងការរីកលូតលាស់នូវទំនាក់ទំនងរវាងប្រជាជន និងប្រជាជន»៕ ខាងក្រោមនេះជាសារលិខិតរបស់លោកនាយករដ្ឋមន្រ្ដី ហ៊ុន សែន ៖